मुंबई : पोलीस दलात कार्यरत असलेल्या पोलीस अधिकाऱ्यांसाठी खूशखबर आहे. कारण पोलिसांसाठी आन बान शान आणि अभिमान असलेल्या खाकी वर्दीसाठी शासनाकडून मिळणाऱ्या भत्त्यात वाढ करण्याचा निर्णय घेण्यात आला आहे.

पोलिस अधिकाऱ्यांसाठी गणवेश भत्त्यात वाढ करण्याचा निर्णय गृह विभागाने घेतला आहे. पोलीस अधिकाऱ्यांना आधी ५ हजार रुपये भत्ता मिळत होता.आता प्रतिवर्षी ६ हजार रुपये मिळणार आहे. पोलीस उपनिरीक्षक ते अपर पोलीस अधीक्षक या अधिकाऱ्यांना हा लाभ मिळणार आहे. (Latest Marathi News)

शासन निर्णयानुसार, पोलीस उपनिरीक्षक ते अपर पोलीस अधीक्षक यांना दर वर्षांकरिता प्रत्येकी ५००० रुपये गणवेश अनुदार मंजुर करण्यात आले होते. सदर गणवेश अनुदानामध्ये वाढ करण्याबाबत विचार सुरु होता. त्यानुसार गणवेश अनुदान वाढीचा निर्णय घेण्यात आला आहे.

पोलीस अधिकाऱ्यांसाठीचा गणवेश अनुदान वाढीबाबतचा निर्णय १ जानेवारी २०२३ पासून लागू झाला आहे. त्यामुळे यापुढे पोलीस अधिकाऱ्यांना गणवेश अनुदान म्हणून पाच हजार रुपयाऐवजी सहा हजार रुपये गृह विभागाकडून दिले जाणार आहेत.