राज्यात हिंदी भाषा सक्तीवरुन खूप वाद सुरु आहेत. त्यानंतर मोठा निर्णय घेण्यात आला आहे.राज्यात सर्व शाळांमध्ये हिंदी ही तिसरी भाषा म्हणून शिकवण्यात येईल. इंग्रजी आणि मराठी शाळांमध्ये पहिलीपासूनच तिसरी भाषा म्हणून शिकवण्यात येईल.या निर्णयानंतर आता शाळेचे नवीन वेळापत्रक जाहीर झाले आहे.

एससीईआरटीने (SCERT) विषयनिहाय योजना प्रसिद्ध केली आहे. त्यानंतर तिसऱ्या भाषेसाठी पाठ्यपुस्तके आणि शिक्षकांची उपलब्धता, ऑनलाइन कसे शिकवायचे आणि पद्धत याबाबत कोणतीही स्पष्टता समोर आलेली नाही.

एससीईआरटीने नवीन वेळापत्रक (SCERT New Timetable) जाहीर केले आहे. त्यामध्ये मराठी शाळांमध्ये मराठी (स्तर १), इंग्रजी (स्तर २), हिंदी आणि इतर भाषा, गणित कलाशिक्षण, आरोग्य, कार्यशिक्षण या विषयांचा समावेश आहे. इंग्रजी माध्यमांमध्ये इंग्रजी (स्तर १), मराठी (स्तर २), हिंदी किंवा इतर भाषा, गणित, कलाशिक्षण, शारीरिक शिक्षण या विषयाचा समावेश आहे.

इतर शाळांमध्ये हिंदी, उर्दू, कन्नड, गुजराती, तमिळ, तेलुगु, सिंधी, बंगाली (स्तर १ भाषा), यानंतर इंग्रजी (स्तर २), मराठी आणि गणित, कलाशिक्षण, आरोग्य व शारीरिक शिक्षण असे विषय असणार आहे. तसेच विद्यार्थ्यांसाठी स्काउट गाइड हा पर्यायी विषय असणार आहे.

वेळापत्रकाबाबतचे (New Timetable) निर्देश देण्यात आले आहेत. तासिकेंच्या क्रमावारीमध्ये किंवा शाळा सुरु करण्याच्या विषयांमध्ये बदल करण्यात येईल. मात्र, वार्षिक घड्याळी तासांचा कालावधी कोणत्याही तासासाठी कमी करता येणार नाही, असं सांगण्यात आले आहे.