Marathi Gujarati clash : आपुल्याच घरात हाल सोसतो मराठी माणूस; घाटकोपरमध्ये गुजराती कुटुंबाकडून गायकवाड कुटुंबाला मारहाण, VIDEO आला समोर

मुंबईच्या घाटकोपर पूर्व येथील रायगड चौक परिसरात असलेल्या साई जेठा इमारतीमध्ये मराठी-गुजराती वाद झाल्याची चर्चा होती. मात्र हे प्रकरण घरातील कुत्र्यामुळे झाल्याचे या दोन्ही बाजूच्या कुटुंबाचे म्हणणे आहे. या इमारतीच्या चौथ्या मजल्यावर गायकवाड आणि माखवाना आणि इतर मराठी, गुजराती कुटुंब रहातात. गायकवाड कुटुंबाकडे एक कुत्रा आहे. जो त्यांच्या घराच्या बाहेर कॉमन पॅसेजमध्ये असतो. हा कुत्रा इथल्या इतर कुटुंबावर धावून जातो. या कुत्र्यामुळे परिसर अस्वच्छ होतो. यावरून गायकवाड कुटुंब आणि इतर कुटुंबामध्ये वाद होत असतात. याच प्रकारे दोन दिवसांपूर्वी झालेल्या वादाचे पर्यावसन हाणामारीमध्ये झाले. त्याठिकाणी इतर मराठी कुटुंबही होती. मात्र याला गुजराती विरुद्ध मराठी असा रंग देण्यात आल्याचे स्थानिकांची म्हणणे आहे.