रोज सोने-चांदीचे नवीन दर जाहीर होतात. जळगावच्या सराफ बाजारात सोने-चांदीला चांगलीच मागणी आहे. रोज सराफ बाजारपेठेत सोन्याचे नवे दर जाहीर होतात. आज सोन्याच्या दरात चांगलीच घसरण पाहायला मिळणार आहे. सोन्याचे दर सलग २-३ दिवसांपासून घसरताना दिसत आहेत.

मागच्या आठवड्यात सोन्याच्या दरात थोडी वाढ झाली होती. त्यानंतर आता सोन्याचे दर सातत्याने घसरत असल्याने खरेदीदारांना थोडासा दिलासा मिळाला आहे. ऐन लग्नसराईत सोने खरेदी करताना ग्राहकांच्या खिशाला चांगलाच फटका बसत आहे. मे महिन्यात लग्नाचे खूप मूहूर्त आहेत. त्यामुळे लग्नघरात सोन्याची खरेदी जास्त प्रमाणात केली जाते. सोन्याचे दर अजून कमी होण्याची आशा सर्वसामान्यांना आहे.

आजचे सोन्याचे दर (Gold Rate Today)

आज जळगावच्या सराफ बाजारात सोन्यासह चांदीचेही दर घसरले आहेत. सोन्याच्या दरात १२०० रुपयांची तर चांदीच्या दरात ५००० रुपयांची घसरण झाली आहे. आज सोन्याचे दर प्रति तोळा एसटीसह १ लाख ५५ हजार ५३० रुपयांवर आहेत. तर चांदीचे दर प्रति किलो २ लाख ५५ हजार ४४० रुपयांवर आहेत.

सोन्याचे दर जरी घसरत असले तरीही ते दीड लाखांपेक्षा जास्त आहेत. त्यामुळे हे सामान्य कुटुंबातील व्यक्तींना परवडणारे नाही. मध्यंतरी आखाती देशांमधील युद्धाच्या काळात सोन्याचे दर घसरले होते तेव्हा थोडा दिलासा मिळाला होता. मात्र, युद्ध थांबवल्यानंतर पुन्हा सोन्याचे दर वाढले आहेत. त्यामुळे भविष्यात सोन्याचे दर अजून वाढण्याची शक्यता वर्तवली जात आहे.