Sakshi Sunil Jadhav
देशभरात आज अक्षय तृतीया साजरी केली. आजचा दिवस सोनं खरेदीसाठी खूप शुभ मानला जातो. या दिवशी घेतलेलं सोनं संपत्ती वाढवतं, अशी श्रद्धा आहे.
छोटे गुंतवणूकदार पुन्हा एकदा सोनं-चांदीकडे सुरक्षित गुंतवणूक पर्याय म्हणून पाहत आहेत. तसेच सोन्याच्या किमतीमध्ये सुद्धा वाढ होत आहे.
गेल्या अक्षय तृतीयेपासून आतापर्यंत सोन्याने तब्बल 63% परतावा मिळवला आहे. ही सध्याच्या काळातली सर्वात मजबूत तेजी मानली जाते.
देशांमधील तणाव, केंद्रीय बँकांची खरेदी आणि गुंतवणुकीची वाढती मागणी यामुळे हे भाव वाढले. यामुळे सोनं दीर्घकालीन गुंतवणुकीसाठी जास्त महत्त्वाचं ठरत आहे.
MCX वर अक्षय तृतीया काळात सोन्याने नेहमीच सकारात्मक परतावा दिला आहे. 2020 ते 2026 दरम्यान 21% ते 63% पर्यंत मजबूत वाढ दिसून येत आहे.
तज्ज्ञांच्या मते, सोनं हे सेफ आणि दीर्घकालीन संपत्ती निर्माण करणारं साधन आहे. पारंपरिक खरेदीच्या ट्रेंडनुसार याची लोकप्रियता कायम आहे.
2016 ते 2026 दरम्यान सोन्याने सुमारे 18% CAGR दिला आहे. कंपाउंडिंगमुळे दीर्घकाळात मोठी संपत्ती निर्माण होऊ शकते.
एप्रिल 2025 मध्ये 94,611 रुपये असलेला दर एप्रिल 2026 मध्ये 1,54,609 रुपये झाला. यामुळे सुमारे 60 हजार रुपयांची वाढ आणि 63% नफा मिळाला.
तज्ज्ञांच्या मते, पुढील अक्षय तृतीयेपर्यंत सोनं 2 लाख रुपये प्रति 10 ग्रॅमपर्यंत पोहोचू शकतं. ग्राहक आता जड दागिन्यांऐवजी नाणी, बार आणि हलक्या दागिन्यांना जास्त पसंती देत आहेत.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.