• आजचा सोन्याचा दरात मोठी वाढ

• जळगावच्या सराफा बाजारात सोनं महागलं

• सोन्याचे दर १ लाख ६० हजारांवर पोहचले

• चांदीचे दर आज स्थिर आहेत

संजय महाजन, जळगाव

सोनं-चांदी खरेदी करणाऱ्यांसाठी महत्वाची बातमी आहे. गेल्या काही दिवसांपासून सोनं-चांदीच्या दरामध्ये सतत चढ-उतार होत आहे. जळगावच्या सुवर्णनगरीमध्ये आज सराफा बाजार उघडताच सोनं-चांदीच्या दरामध्ये मोठा बदल झाला आहे. सोनं आणि चांदीवरील आयात शुल्क वाढल्यानंतर सोनं– चांदीच्‍या दराने उसळी घेतली होती. आज मात्र थोडा दिलासा असून सोन्‍याचे दर १००० रूपयांनी वाढले. तर चांदीच्या दरात मात्र आज कोणताही बदल पाहण्यास मिळाला नाही.

गेल्या ३ दिवसांपासून सोन्याच्या किंमतीत मोठी वाढ होत होती. आजही सराफा बाजार उघडताच सोन्याच्या किंमतीत वाढ नोंदवण्यात आली. आंतरराष्ट्रीय घडामोडींवर सोने-चांदीचा भाव ठरत असतो. जागतिक बाजारात रूपयाची किंमत घसरली आहे. त्याशिवाय इंधनाच्या तुटवड्यामुळे सराफा बाजारामध्ये खळबळ उडाली आहे. १३ मे रोजी सोनं- चांदीच्‍या दराने मोठी उसळी घेतली होती.

जळगावच्या सराफा बाजारात बुधवारी २४ कॅरेटचे १ तोळा सोन्‍याच्‍या दरात ७५०० रुपयांची वाढ होऊन सोनं १ लाख ५९ हजार रुपयांवर पोहचले होते. आज सोन्याच्या दरात पुन्हा १००० रुपयांची वाढ झाली आहे. तर १० तोळा सोन्याच्या दरामध्ये १०००० रुपयांची वाढ झाली. आज २४ कॅरेटचे १ तोळा सोने १ लाख ६० हजार रूपयांवर पोहचले. १ तोळा सोनं खरेदीसाठी खरेदीसाठी जीएसटीसह १ लाख ६४ हजार ८०० रूपये द्यावे लागणार आहे. दुसरीकडे बुधवारी चांदीच्‍या दरात १६ हजारांची वाढ होऊन प्रतिकिलो चांदी विनाजीएसटी २ लाख ९२ हजारांवर पोहोचली. आज चांदीचे दर स्थिर आहेत.

१ तोळा सोन्याचे आठवडाभरातील दर - (विनाजीएसटी)

६ मे - १ लाख ५० हजार रुपये

७ मे - १ लाख ५१ हजार ५०० रुपये

९ मे - १ लाख ५० हजार ८०० रुपये

११ मे - १ लाख ५० हजार रुपये

१२ मे - १ लाख ५१ हजार ५०० रुपये

१३ मे - १ लाख ५९ हजार रुपये

१४ मे - १ लाख ६० हजार रुपये

१ किलो चांदीचे आठवडाभरातील दर - (विनाजीएसटी)

६ मे - २ लाख ४९ हजार रुपये

७ मे - २ लाख ५७ हजार रुपये

९ मे - २ लाख ६० हजार रुपये

११ मे - २ लाख ५९ हजार रुपये

१२ मे - २ लाख ६९ हजार रुपये

१३ मे - २ लाख ८५ हजार रुपये

१४ मे - २ लाख ९३ हजार रुपये