• जळगाव सराफा बाजारात सोन्याच्या दरात मोठी घसरण

• २४ कॅरेटच्या १० तोळे सोन्याच्या दरात २०,००० रुपयांची घसरण

• १ किलो चांदीच्या दरात ७,००० रुपयांची घसरण

• ग्राहकांसाठी आज सोनं-चांदी खरेदीची चांगली संधी आहे

संजय महाजन, जळगाव

सोनं-चांदी खरेदी करणाऱ्यांसाठी आज आनंदाची बातमी आहे. जळगावच्या सुवर्णनगरीत सोनं-चांदीच्या दरात आज मोठा बदल झाला. सराफा बाजार उघडताच सोनं-चांदीच्या दरात मोठी घसरण झाली. त्यामुळे आज सोनं-चांदी खरेदी करण्याची सुवर्णसंधी आहे. २४ कॅरेटच्या १ तोळा सोन्याच्या दरामध्ये २००० रुपयांची घसरण झाली आहे. तर चांदीच्या दरामध्ये ७००० रुपयांची घसरण झाली आहे. त्यामुळे आज तुम्ही सोनं-चांदी खरेदी केल्यावर तुमच्या खिशाला कात्री लागणार नाही.

मिळालेल्या माहितीनुसार, आज जळगावच्या सराफा बाजारामध्ये २४ कॅरेटचे १ तोळा सोन्याचे दर २००० रुपयांनी स्वस्त झालं. आज सोनं खरेदी करण्यासाठी ग्राहकांना १ लाख ४२ हजार ३०० रूपये मोजावे लागणार आहे. तर २४ कॅरेटच्या १० तोळा सोन्याच्या दरामध्ये २०००० रुपयांची घसरण झाली आहे. हे सोनं खरेदी करण्यासाठी ग्राहकांना १४ लाख २३ हजार रुपये खर्च करावे लागतील. तर १ किलो चांदीच्या दरामध्ये ७००० रुपयांची घसरण झाली आहे. तर आज चांदी खरेदी करण्यासाठी तुम्हाला २ लाख २१ हजार रुपये मोजावे लागतील.

जळगावच्या सराफा बाजारातील सोन्याचे दर किती?

२२ कॅरेट सोनं - १,३०,३५० रुपये

२४ कॅरेट सोनं - १,४२,३०० रुपये

चांदीचे दर किती?

१ किलो चांदी २,२१,००० रुपये

गुड रिटर्न्सने दिलेल्या माहितीनुसार, आज २४ कॅरेटच्या १ तोळा सोन्याच्या दरामध्ये १६९० रुपयांची घसरण झाली आहे. हे सोनं खरेदीसाठी १,४४,१७० रुपये खर्च करावे लागतील. २२ कॅरेटच्या १ तोळा सोन्याच्या दरामध्ये १५५० रुपयांची घसरण झाली. हे सोनं खरेदीसाठी ग्राहकांना १,३२,१५० रुपये खर्च करावे लागतील. तर आज चांदीच्या दरात देखील घसरण झाली आहे. १ ग्रॅम चांदी ५ रुपयांनी स्वस्त होऊन २३५ रुपयांना विकली जाते. तर १ किलोचांदी ५००० रुपयांनी स्वस्त झाली असून २,३५,००० रुपयांना विकली जात आहे.