Summary -

• जळगावच्या सुवर्णनगरीत सोनं-चांदीच्या दरात मोठी घसरण

• १ तोळा सोनं तब्बल ३,००० रुपयांनी स्वस्त झाले

• चांदीच्या दरात देखील ३,००० रुपयांची घसरण झाली

• दर घसरल्याने सराफा बाजारात ग्राहकांची मोठी गर्दी

संजय महाजन, जळगाव

जळगावच्या सुवर्णनगरीमध्ये सोनं-चांदीच्या दरात मोठी घसरण झाली आहे. गेल्या काही दिवसांपासून सोनं-चांदीच्या दरात सतत चढ-उतार सुरू आहे. आज जळगावच्या सराफा बाजारात सोनं आणि चांदीच्या दरामध्ये विक्रमी घसरण झाली आहे त्यामुळे ग्राहकांमध्ये आनंदाचे वातावरण आहे. आज सोन्याचे दर ३ हजार रुपयांनी कमी झाले. त्यापाठोपाठ चांदीचे दर देखील ३ हजार रुपयांनी घसरले.

जळगावच्या सुवर्णनगरीमध्ये सोन्याचे दर जीएसटीसह १ लाख ५६ हजार ४५ रुपयांवर पोहचले आहे. तर चांदीचे दर २ लाख ४९ हजार २६० रुपयांवर आले आहे. गेल्या महिनाभरात पहिल्यांदाच सोनं आणि चांदीच्या दरामध्ये मोठी घसरण झाली आहे. सोनं-चांदीचे दर घसरल्यामुळे आज सोनं-चांदी खरेदी करण्यासाठी ग्राहकांनी सराफा बाजारामध्ये मोठी गर्दी केली आहे.

गुड रिटर्न्सने दिलेल्या माहितीनुसार, आज सोन्याच्या दरात मोठी घसरण झाली आहे. २४ कॅरेटचे १ तोळा सोनं २,२४० रुपयांनी स्वस्त झाले. हे सोनं खरेदीसाठी तुम्हाला १,५४,२०० रुपये खर्च करावे लागणार आहेत. २२ कॅरेटच्या १ तोळा सोन्याच्या दरामध्ये २,०५० रुपयांनी घसरण झाली. हे सोनं १,४१,३५० रुपये झाले आहे. तर १८ कॅरेटचे १ तोळा सोनं १,६८० रुपयांनी स्वस्त झाले.

तर, सोन्यापाठोपाठ चांदीच्या दरात देखील घसरण झाली आहे. गुड रिटर्न्सने दिलेल्या माहितीनुसार, १ ग्रॅम चांदीचे दर ८ रुपयांनी घसरले. ही चांदी खरेदीसाठी आज तुम्हाला २६० रुपये खर्च करावे लागतील. तर १ किलो चांदीच्या दरामध्ये ८००० रुपयांनी घसरण झाली. ही चांदी खरेदीसाठी तुम्हाला २,६०,००० रुपये मोजावे लागतील.