- सचिन बनसाेडे

Nagar Manmad Highway News : केंद्र सरकारने कांद्यावरील निर्यात शुल्क वाढीची घोषणा मागे घ्यावी या प्रमुख मागणीसाठी स्वाभिमानी शेतकरी संघटनेच्या (swabhimani shetkari sanghatana) वतीने आज (शुक्रवारी) राहुरी कृषी उत्पन्न बाजार समिती समोर नगर- मनमाड महामार्गावर रस्ता रोको आंदोलन करण्यात आले. या आंदाेलनाच्या पार्श्वभूमीवर पाेलिसांनी माेठा बंदाेबस्त तैनात केला आहे. (Maharashtra News)

कांद्याला प्रति क्विंटल ३ ते ४ हजार रुपये हमीभाव द्यावा यासह जाहीर केले ३५० रुपये अनुदान त्वरित शेतकऱ्यांच्या खात्यात जमा करावे या मागण्या देखील या आंदोलनाच्या माध्यमातून करण्यात आल्या. यावेळी शेतकऱ्यांनी नगर मनमाड महामार्ग राेखला. यामुळे वाहतुक खाेळंबली.

साम टीव्हीशी बाेलताना आंदाेलकांनी कांद्याला 2410 रुपये दर मान्य नसल्याचे नमूद केले. 40 टक्के निर्यात शुल्काचा निर्णय मागे घेण्याची मागणी केली. यावेळी पोलिसांनी आंदोलन न करण्याचे आवाहन शेतक-यांना केले. परंतु आंदाेलक त्यांच्या भूमिकेवर ठाम राहिले.

टाका जेलमध्ये आम्हांला

यामुळे पोलिस आणि आंदोलक आमनेसामने आले. काही काळ पोलीस आणि आंदोलकांमध्ये शाब्दिक चकमक उडाली. आम्हांला जेलमध्ये टाका न्याय मिळणयासाठी प्रसंगी आंदाेलन तीव्र केले जाईल असा इशारा आंदाेलकांनी पाेलिस प्रशासनास दिला.

दरम्यान स्वाभिमानीचे आंदोलन पोलिसांनी मोडीत काढले. जिल्हाध्यक्ष रवींद्र मोरे यांना आंदोलन स्थळावरून पोलिसांनी घेतले ताब्यात. यामुळे आंदोलनस्थळी मोठा गोंधळ निर्माण झाला. आंदोलकांनी महामार्गावर झोपून आंदोलन छेडले. पोलिसांनी बळाचा वापर करत आंदोलकांना महामार्गावरून हटवले.

Edited By : Siddharth Latkar