धुळे : धुळेकरांना प्रचंड पाणीटंचाईचा सामना करावा लागत असून आठ ते दहा दिवसानंतर पिण्याचा पाण्याचा पुरवठा पालिका प्रशासनातर्फे (Dhule News) करण्यात येत आहे. या विरोधात उद्धव ठाकरे शिवसैनिक (Shiv Sena) चांगलेच आक्रमक झाल्याचे बघायला मिळाले आहे. यावेळी उद्धव बाळासाहेब ठाकरे शिवसेनेच्यावतीने पालिका प्रशासनाचा निषेध करण्यासाठी पालिका प्रशासनाची अंत्ययात्रा काढण्यात आली आहे, (Latest Marathi News)

धुळेकरांना होत असलेल्या पाणीटंचाई संदर्भात पालिका प्रशासनाला वेळोवेळी आंदोलन व निवेदन देऊन देखील पालिका प्रशासनतर्फे यासंदर्भात कुठल्याही प्रकारची उपाययोजना केली जात नसल्याचा आरोप यावेळी आंदोलकांतर्फे लावण्यात आला आहे. यापुढे जर अशाच प्रकारे पालिका (Dhule Corporation) प्रशासनातर्फे या आंदोलनाची देखील दखल घेत धुळेकरांचा पाणी प्रश्न सोडवण्यात न आल्यास आणखी तीव्र आंदोलन छेडण्याचा इशारा उद्धव बाळासाहेब ठाकरे शिवसेनिकांतर्फे पालिका प्रशासनाला व सत्ताधाऱ्यांना देण्यात आला आहे.

शिवसेनेच्या मध्यवर्ती कार्यालयापासून या अंत्ययात्रेला सुरुवात करण्यात आली. धुळे शहरातील महत्त्वाच्या चौकांमधून ही अंत्ययात्रा पुढे सरकत धुळे महानगरपालिका प्रवेशद्वारावर आणण्यात आली. यावेळी धुळे महानगरपालिका प्रशासनाची प्रतिकात्मक तिरडी देखील अंत्ययात्रेदरम्यान काढण्यात आल्याचे बघायला मिळाले आहे.