काँग्रेस बुडाली. पण नेते मात्र हवेत आहेत.हे म्हणण्यामागे कारण आहे चंद्रपूर महापालिकेत महापौरपदाच्या निवडणुकीबरोबरच काँग्रेसच्या अंतर्गत वादामुळे गट नोंदणीत निर्माण झालेला ट्विस्ट.कारण काँग्रेसमधील अंतर्गत वाद आता प्रशासकीय नियमांच्या कचाट्यात सापडण्याची शक्यता आहे. तर हाच धागा पकडून काँग्रेस नेते विजय वडेट्टीवार यांनी थेट आयुक्तांवर सत्ताधाऱ्यांच्या दबावाखाली काम करत असल्याचा आरोप केलाय.

खरंतर चंद्रपूरमध्ये काँग्रेस आणि आघाडीचे 30 नगरसेवक निवडून आले. त्यामुळे चंद्रपूर महापालिकेत सहज सत्ता स्थापन करण्याची संधी असतानाही काँग्रेसमध्ये अंतर्गत लाथाळ्या सुरू झाल्या. चंद्रपूरच्या गल्लीतला वाद थेट दिल्लीत गेला. आता चंद्रपूरच्या खासदार प्रतिभा धानोरकर आणि विजय वडेट्टीवार यांच्यातील संघर्ष थेट हायकमांडच्या दारी गेलाय.

तर दुसरीकडे विजय वडेट्टीवार यांच्या गटातील 14 नगरसेवकांचं विजयी प्रमाणपत्र गहाळ झाल्याचं समोर आलंय. त्यासंदर्भात तक्रारही देण्यात आलीय. दुसरीकडे हाच मुद्दा प्रशासकीय नियमाच्या कचाट्यात सापडल्यास त्याचा भाजप थेट फायदा उचलण्याची शक्यता आहे. काय आहेत.हे नियम..पाहूयात.

नव्या नियमानुसार फॉर्म क्रमांक तीन भरल्याशिवाय

नगरसेवकांना मतदानाचा अधिकार मिळत नाही…

काँग्रेसच्या नगरसेवकांची नोंदणी लटकवून मतदानापासून वंचित ठेवण्याचा डाव सुरू असल्याचा आरोप वडेट्टीवारांनी केलाय…

“विभागीय आयुक्तांचे अधिकार फक्त कागदपत्र तपासण्यापुरते आहेत.

दरम्यान काँग्रेसमधील अंतर्गत वादाचा फायदा उठवण्यासाठी भाजप मैदानात उतरलंय.भाजपनं 34 चं संख्याबळ जुळवण्याच्या हालचाली सुरु केल्या आहेत.. तर काँग्रेसमधील संघर्ष पाहता ठाकरेसेनेचा कलही भाजपच्या दिशेनंच असल्याचं पहायला मिळतंय. चंद्रपूर महानगरपालिकेत सत्तेसाठी 34 नगरसेवकांचं गणित जुळवावं लागणार आहे. त्यात आता ठाकरेसेनेचे 6 तर वंचितचे 2 अशा 8 नगरसेवकांना सोबत घेत भाजप सत्ता स्थापन करण्याच्या हालचाली सुरु करत आहे.

हे असं असलं तरी दुसरीकडे काँग्रेसनं विभागीय आयुक्त कार्यालयात नोंदणीसाठी 2 वेगवेगळे अर्ज केल्यानं गुंता आणखीच वाढलाय.. त्यामुळे आता प्रशासकीय गुंता वाढत गेला तर त्याचा फायदा भाजप उठवल्याशिवाय राहणार नाही.. त्यामुळे काँग्रेस संपवायला काँग्रेसमधले नेतेच कारणीभूत असल्याचं समोर आलंय..