दहावीच्या बारावीच्या विद्यार्थ्यांचा निकाल कधी लागणार, असा प्रश्न विद्यार्थ्यांच्या मनात निर्माण झाला आहे. केंद्रीय माध्यमिक शिक्षा बोर्ड म्हणजेच सीबीएसई बोर्डाचा निकाल कधी लागणार याबाबत महत्त्वाची अपडेट समोर आली आहे. १०वी-१२वीच्या विद्यार्थ्यांची परीक्षा ११ मार्च रोजी संपली आहे. त्यानंतर आता महिना होऊन गेला आहे. त्यामुळे विद्यार्थ्यांच्या मनात निकालाबाबत उत्सुकता निर्माण झाली आहे.

CBSE बोर्डाचा निकाल या दिवशी लागणार (CBSE 10th-12th Result Announced on These Date)

रिपोर्टनुसार, सीबीएसई बोर्डाचा निकाल लवकरच लागणार आहे. एप्रिलच्या तिसऱ्या आठवड्यात निकाल लागण्याची शक्यता वर्तवली जात आहे. याच महिन्यात कधीही निकाल लागू शकतो. मागील अनेक वर्षांच्या ट्रेंडनुसार १०वीचा निकाल एप्रिलच्या तिसऱ्या किंवा चौथ्या आठवड्यात जाहीर होऊ शकतो. दरम्यान, सीबीएसई बोर्डाचा १२वीचा निकाल मे महिन्याच्या दुसऱ्या आठवड्यात येण्याची शक्यता आहे. या वर्षी दोन टर्ममध्ये परीक्षा झाल्याने निकाल वेगवेगळ्या तारखेला लागण्याची शक्यता आहे.

सीबीएसई बोर्डाचा निकाल या वेबसाइटवर करा चेक (CBSE Result Websites)

cbse.nic.in

results.cbse.nic.in

cbseresults.nic.in

DigiLocker

UMANG अॅप

अशा पद्धतीने चेक करा निकाल (How to Check 10th-12th Result)

सर्वात आधी results.cbse.nic.in या वेबसाइटवर जा.

यानंतर Class X 2026 Results किंवा Class XII 2026 Results लिंकवर क्लिक करा.

यानंतर रोल नंबर, स्कूल नंबर, जन्मतारीख, अॅडमिट कार्ड नंबर टाकायचे आहे.

यानंतर तुम्हाला स्क्रिनवर रिझल्ट दिसणार आहे.

तुम्ही मार्कशीट डाउनलोड करुन प्रिंट आउट काढू शकतात.