अभिजीत बिचुकलेने २५ वर्षांनंतर त्याचा आयकॉनिक लूक बदलल्यामुळे तो पुन्हा एकदा चर्चेत आला आहे. बिग बॉस मराठी आणि हिंदीमध्ये चर्चेत राहिलेल्या बिचुकलेच्या हेअर स्टाईलची एक वेगळीच ओळख बनली होती. लांबसडक केस ही आयकॉनिक स्टाईल बनली होती. पण आता त्याने आपल्या स्टाइलमध्ये बदल करत शॉर्ट हेअरकट केला आहे. सध्या त्याच्या न्यू हेअर कटचे फोटो सोशल मीडियात व्हायरल होत आहे.

बिग बॉस फेम अभिजीत बिचुकलेचं नाव समोर आलं की, आपल्या डोळ्यासमोर उभा राहतो मोठे केस, हटके स्टाईल आणि रंगीबेरंगी विविध स्टाईलचे गॉगल. प्रत्येक आऊटफिटवर त्याचा हा लूक कायम असतो. पण सध्या बिचकुल्याने आपला लूक बदलला आहे.

हो, त्याने चक्क लांबसडक केस शॉर्ट केले आहेत. तब्बल २५ वर्षांनी त्याने आपला लूक चेंज केला आहे. हिंदी आणि मराठी बिग बॉसमध्ये त्याची चर्चा झाली होती. आता २५ वर्षांनी बदललेल्या लूकमुळे बिचुकले सोशल मीडियावर पुन्हा एकदा प्रकाशझोतात आला आहे.

नव्या लूकवर अभिजीत बिचुकले म्हणतो, 'गेली २५ वर्ष आपली तिच हेअर स्टाईल होती. आयकॉनिक हेअर स्टाईलनं संपूर्ण भारताचं लक्ष वेधून घेतलं. या लूकला २५ वर्ष झाल्यामुळे यावर हेअर स्टाईलिस्ट आणि मी विचार केला. नंतर हेअर कट केला. याच्यावर आता एकच म्हणेन, आगे आगे देखिए होता है क्या..'

'२०१९ मध्ये बिग बॉस मराठीत भाग घेतला होता. तेव्हा माझी हेअर स्टाईल खूप गाजली. हिंदीबरोबर मराठी बिग बॉसमध्ये माझी हेअर स्टाईलचं कौतूक झालं. संपूर्ण भारताच्या तरूण पिढीला माझी हेअर स्टाईल लक्षात राहील. पण आता २५ वर्षांनी माझी हेअर स्टाईल बदललेली आहे'.