शुभम देशमुख

भंडारा : कुठे बाहेर गेलात तर नाश्ता बाहेरच केला पाहिजे. पण त्याच नाश्त्यात मुंग्या आणि किडे दिसले धक्काच बसेल, परंतु असा प्रकार भंडारा जिल्ह्यातील तुमसर तालुक्यातील सिहोरा येथील हॉटेल राजाभाई पोहेवाला येथे समोर आला आहे. या धक्कादायक प्रकारचा व्हिडीओ व्हायरल झाला आहे. 

भंडारा (Bhandara) जिल्ह्यातील तुमसर येथील काही तरुण रविवारी सुट्टीसाठी चंदपूर देवस्थानला गेले होते. दर्शन घेऊन परत येत असताना ते नास्ता करण्यासाठी थांबले. याठिकाणी त्यांनी पोहे व डोसे मागवले. मात्र त्यांनी घेतलेल्या पोह्यांच्या प्लेटमध्ये लहान मुंग्या आणि किडे दिसून आले. याची माहिती त्यांनी हॉटेल मालकांना दिली. मात्र हॉटेल मालकांनी त्यांच्यासी हुज्जत घालत तुमच्या घरी किडे निघाले, तर फेकता का? असे उलट उत्तर दिले. 

सदरच्या प्रकारामुळे राजाभाई पोहेवाला हॉटेलमध्ये नागरिकांच्या जीवासी खेळ सुरू असल्याचे समोर येत आहे. याचा व्हिडीओ सध्या व्हायरल झाला असून आता हॉटेलवर अन्न आणि औषध प्रशासनाने कारवाई करण्याची गरज आहे; अशी मागणी करण्यात येत आहे.