बीड : आरक्षणावर निर्णय होत नसल्याने मराठा समाज आरक्षणाच्या मागणीसाठी मुंबईकडे निघाला आहे. यानंतर आता (Dhangar Reservation) धनगर समाज देखील आक्रमक झाला असून 'चलो मुंबई'ची हाक दिली आहे. याकरिता (Beed) बीडमध्ये ११ फेब्रुवारीला इशारा मेळावा घेण्यात येणार आहे.  (Latest Marathi News)

मराठा आरक्षणाचा मुद्दा राज्यात तापलेला आहे. सरकारकडून निर्णय घेतला जात नसल्याने मनोज जरांगे पाटील यांच्या नेतृत्वात मुंबईला आंदोलन करण्यात येणार आहे. मराठा समाजाचे मुंबईचे आंदोलन अद्याप झाले नसताना धनगर समाजाने देखील चलो मुंबईची हाक दिली आहे. याकरिता बीडमध्ये ११ फेब्रुवारी रोजी इशारा मेळावा आयोजित करण्यात आला आहे. या मेळाव्यानंतरही सरकारने आरक्षणाविषयी निर्णय घेतला नाही; मुंबईला (Mumbai) आंदोलन करण्याबाबत निर्णय घेतला जाईल. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तर आरक्षण दिंडी 

इशारा मेळाव्यांपर्यंत निर्णय झाला नाही तर  १७ फेब्रुवारीला पुण्यश्लोक अहिल्यादेवी होळकरांच्या चौंडी या जन्मगावातून आरक्षण दिंडी मुंबईकडे काढण्यात येणार आहे. २२ फेब्रुवारीला मुंबई येथे पोहोचून आझाद मैदानावर आंदोलन केले जाणार असल्याची माहिती यशवंत सेनेचे अध्यक्ष बाळासाहेब दोडतले यांनी बीडमध्ये दिली आहे. त्याचबरोबर यावेळी त्यांनी सरकार टीका देखील केली आहे.