Mobile Theft : दुचाकीवरुन येत मोबाईल चोरी; चोरटे पोलिसांच्या ताब्यात

अजय सोनवणे 

मनमाड (नाशिक) : नाशिकच्या मालेगाव शहरात धूम स्टाईलने दुचाकी वरुन येत मोबाईल हिसकावून पोबारा केला जात होता. अशा प्रकारे मालेगावात (Malegaon) टोळी सक्रिय झाली होती. पोलीस यांच्या मागावर असताना चोरट्यांना पोलिसांनी ताब्यात घेतले आहे. (Maharashtra News)

दुचाकीवर येत रस्त्याने जात असलेल्यांच्या हातातील मोबाईल हिसकावून जात असल्याचे प्रकार मालेगावात मोठ्या प्रमाणात वाढले होते. ही टोळी सक्रीय असतांना पोलिसांसमोर (Police) मोबाईल चोरट्यांना पकडण्याचे मोठे आव्हान उभे ठाकले होते. धूम स्टाईलने येत मोबाईल चोरीच्या तीन घटना एकाच वेळी दाखल झाल्याने पोलिसही सक्रीय झाले होते. त्यांनी काही तासातच या मोबाईल चोरट्यांना ताब्यात घेतले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तीन दुचाकींसह १६ मोबाईल जप्त 

दरम्यान छावणी पोलिसांनी मोबाईल चोरट्यांना पकडण्याचे मिशन हाती घेतले. यानंतर अवघ्या काही तासातच तीन दुचाकीसह १६ मोबाईल जप्त करत पाच जणांच्या टोळीला ताब्यात घेत कारवाई केली आहे. ही कारवाई झाल्याने अन्य पोलिस ठाण्यात देखील अशी मोहिम राबवावी अशी मागणी होत आहे.