बीडमधील लुखामसला गावचे माजी उपसरपंच गोविंद बर्गे यांच्या मृत्यूमुळे राज्य हादरलं. गोविंद बर्गे यांचे नर्तिका पूजा गायकवाड प्रेम संबंध होते. त्याचं प्रेम संबंधातून त्यांनी आत्महत्या केल्याचं म्हटलं जात आहे. प्रेमिकेच्या वाढत्या मागण्या आणि ब्लॅकमेलिंगमुळे गोविंद बर्गे यांनी स्वत: वर गोळ्या झाडून आत्महत्या केल्याचं म्हटलं जात.

आता या प्रकरणात नवी माहिती समोर आलीय. आत्महत्या करण्यापूर्वी यांनी एक व्हिडिओ कॉल केला होता. त्या कॉलनंतर त्यांनी स्वत: वर गोळ्या झाडल्या. गोविंद बर्गे यांनी शेवटचा व्हिडिओ कॉल कोणाला केला होता. त्यामुळे त्यांचा जीव वाजला असता का असे प्रश्न केले जात आहेत. गोविंद यांनी प्रेयसी पूजा हिच्या सासुरे गावातच कारमध्ये बसून रिव्हॉल्वरने डोक्यात गोळी झाडून घेतली होती. मात्र गोविंद यांनी आत्महत्या केली नसून त्यांचा घातपात झालाय, असा आरोप बर्गे यांच्या नातेवाईकांनी केलाय.

प्रेयसी पूजानेच गोविंद बर्गे यांचा घातपात केला, आरोप त्यांनी केलाय. त्यानुसार नातेवाईकांनी पोलिसांत तक्रार दिलीय. त्यानंतर पोलिसांनी नर्तिका पूजा हिला ताब्यात घेतलं असून तिची चौकशी केली जात आहे. दरम्यान गोविंद यांनी आत्महत्या करण्याच्या दिवशी एक व्हिडिओ कॉल केला होता. त्यामुळे या प्रकरणात नवी वळण येण्याची शक्यता आहे.

दरम्यान प्रेयसी पूजा काही दिवसांपासून गोविंद सोबत बोलत नव्हती. त्याचा फोन उचलत नव्हती. घटनेच्या दिवशी गोविंद हे पूजेच्या घरी गेले होते. तेव्हा पूजा घरी नव्हती पण तिची आई होती. मात्र त्यांनी गोविंदशी बोलणं टाळलं. त्यांनी व्हिडिओ कॉल करत आत्महत्या करण्याचा इशारा दिला. मात्र समोरून कोणीच प्रतिसाद दिला नाही. हे पाहून त्यांची निराशा आणि संताप वाढला. त्यानंतर गोविंद तिथून निघून गेले. दुसऱ्या दिवशी पूजाच्या घरापासून काही अंतरावर त्यांची कार उभी होती. त्या कारमध्ये गोविंद यांचा मृतदेह पोलिसांना आढळून आला.