अंगणवाडी सेविकांसाठी (Anganwadi Workers) आनंदाची बातमी आहे. अंगणवाडी सेविकांना आता दिवाळीचा बोनस जाहीर केला आहे. त्यांना दिवाळीनिमित्त दोन हजार रुपये दिले जाणार आह. तयामुळे यंदा अंगणवाडी सेविका आणि मदतनीसांची दिवाळी गोड होणार आहे. अंगणवाडी सेविका असलेल्या लाडक्या बहि‍णींना भाऊबीजेची भेट दिली जाणार आहे.

अंगणवाडी सेविकांना मिळणार दिवाळीचा बोनस (Anganwadi Workers Get Diwali Bonus)

अंगणवाडी सेविका आणि मदतनीसांना दिवाळीआधी हा बोनस दिला जाण्याची शक्यता आहे. यासाठी ४०.६१ कोटी रुपयांचा निधी उपलब्ध करुन दिला आहे. याबाबत महिला व बालविकास मंत्री आदिती तटकरेंनी माहिती दिली आहे.

१ लाख १० हजार अंगणवाडी सेविकांना होणार फायदा

अंगणवाडी सेविका आणि मदतनीसांना दिवाळीपूर्वी बोनस देण्याबाबत काल म्हणजेच गुरुवारी निर्णय घेण्यात आला आहे. यामुळे राज्यातील १ लाख १० हजारांपेक्षा जास्त अंगणवाडी सेविका आणि मदतनीसांना प्रत्येकी २००० रुपये देण्यात येणार आहे. एकात्मिक बालविकास सेवा योजनेच्या आयुक्तांनी भाऊबीज भेट तात्काळ देण्याबाबत कार्यवाही करावी, असं निर्णयात म्हटलं आहे.

ऑक्टोबर महिन्यात जमा होणार २००० रुपये (Anganwadi Government Get 2000 Rupees For Bonus)

या योजनेसाठी निधी एकात्मिक बालविकास सेवा आयुक्त कार्यालयामार्फत वितरित केला जाणार आहे. जिल्हाधिकारी अधिकारी, प्रकल्प अधिकारी आणि संबंधित अधिकाऱ्यांच्या देखरेखीखाली ही रक्कम जमा केली जाणार आहे. ऑक्टोबर महिन्यात दिवाळी आहे. ऑक्टोबर महिन्याच्या सुरुवातीच्या दोन आठवड्यांमध्ये हा बोनस जमा केला जाऊ शकतो.