Ladki Bahin Yojana: लाडक्या बहि‍णींसाठी महत्त्वाची बातमी! आधार कार्डशिवाय ₹१५०० विसरा, e-KYC करण्याआधी वाचा

लाडकी बहीण योजनेसंदर्भात सरकारने महत्त्वाचा निर्णय घेतला आहे. आता लाडकी बहीण योजनेच्या लाभार्थ्यांना ई-केवायसी करणे अनिवार्य आहे. जर तुम्ही केवायसी केले नाही तर तुम्हाला योजनेचा लाभ मिळणार नाहीये. दरम्यान, लाडकी बहीण योजनेत अनेकांनी निकषाबाहेर जाऊन लाभ घेतला असल्याचे समोर आले आहे. दरम्यान, आता महिलांनी केवायसी केल्यानंतरच तुम्हाला योजनेचा लाभ मिळणार आहे. दरम्यान, केवायसी करताना आधार व्हेरिफिकेशन केले जाणार आहे.जर आधार व्हेरिफिकेशन केले नाही तर तुम्हाला योजनेचा लाभ मिळणार नाही.

ई केवायसी करण्यासाठी आधार कार्ड गरजेचे (Ladki Bahin Yojana KYC Process)

लाडकी बहीण योजनेत तुम्हाला केवायसी करावे लागणार आहे. यासाठी दोन महिन्यांची मुदत देण्यात आली आहे. ई केवायसी करताना आधार व्हेरिफिकेशनदेखील केले जाते. तुम्हाला केवायसी करताना आधार कार्ड नंबर टाकायचा आहे. त्यानंतर तुम्हाला लिंक असलेल्या मोबाईल नंबरवर ओटीपी येईल. यानंतर तुमचे व्हेरिफिकेशन पूर्ण होईल. याचसोबत इतर अनेक कागदपत्रांचीदेखील माहिती द्यावी लागणार आहे.या कागदपत्रांचेही व्हेरिफिकेशन होणार, त्यानंतरच केवायसीची प्रोसेस पूर्ण होणार आहे.

२६ लाख महिला अपात्र

लाडकी बहीण योजनेतून जवळपास २६ लाखांपेक्षा जास्त महिलांनी निकषांबाहेर जाऊन योजनेचा लाभ घेतला असल्याचे आदिती तटकरेंनी सांगितले होते.दरम्यान, यानंतर लाडकी बहीण योजनेसाठी पुन्हा पडताळणी केली जात आहे. अंगणवाडी सेविकांद्वारे ही पडताळणी केली जाते. त्यातूनदेखील अनेक महिला अपात्र ठरल्या आहे. जवळपास २ लाख ३० हजार महिला सध्या या योजनेचा लाभ घेत आहेत. या योजनेचा लाभ घेणाऱ्या महिलांना आता केवायसी करणे अनिवार्य आहे.