Akola News : पिकाला पाणी देण्यासाठी शेतात गेलेल्या एका शेतकऱ्याचा विहिरीतील लोखंडी पायऱ्या वरुन घसरून विहीरीत पडल्याने मृत्यु झालाय. ही घटना अकोला जिल्ह्यातील पातूर तालुक्यातील सस्ती शेत शिवारात घडली.

शेख लुकमान शेख दिलावर असे या घटनेतील मृतक शेतकऱ्याचे नाव आहेय. शेतातील विहिरीत सोडलेली बोअर मशीन अचानक बंद पडली, दरम्यान मशीन बंद पडल्याने शेतकरी विहिरीत खाली उतरला अन् दुःखद घटना घडली.

अकोला (Akola) जिल्ह्यातल्या पातुर तालुक्यातील सस्ती गावात शेख लुकमान शेख दिलावर यांचं कुटुंब वास्तव्यात आहे. दरम्यान त्यांच्याकडे चार एकर शेती असून गेल्या दोन-तीन दिवसापासून शेतात (Farm) कांदा लागवड सुरू आहे. आजही शेख लुकमान हे त्यांच्या दोघे भावासोबत शेतात कांदा लागवड साठी गेले होते, आणि काल आणि परवा लागवड केलेल्या कांदा पिकाला पाणी देण्यासाठी बोअर मशीन सुरू केली.

मात्र बोअर मशीन सुरू झाली नाही. ही बोअर मशीन शेतातील विहिरीत सोडलेली आहे, अचानक मशीन बंद पडल्याने शेख लुकमान हे विहिरीत लोखंडी पायऱ्याने खाली उतरले. मशीनची पाहणी केली, परत लोखंडी पायऱ्यांने वरते येत असताना अचानक या शेतकऱ्याचा तोल गेला, आणि तो पाण्यात पडला. या घटनेत शेख लुकमान या शेतकऱ्याचा मृत्यू झालाय. दरम्यान या शेतकऱ्याला पाण्यात पोहणे येत नसल्यामुळे या शेतकऱ्याला आपला जीव गमावावा लागला.