उपमुख्यमंत्री अजित पवार यांचा विमान अपघातात मृत्यू
बारामतीत झाला विमान अपघात
लँडिंगदरम्यान विमान कोसळलं
महाराष्ट्राचे उपमुख्यमंत्री अजित पवार यांचे विमान अपघातामध्ये निधन झाले. त्याच बारामती विमानतळावर अजित पवारांचे विमान कोसळलं ज्याठिकाणी सुरक्षित लँडिंगसाठी सुधारित व्यवस्था करण्याचे आदेश त्यांनी दिले होते. अजित पवार यांना बारामती विमानतळ हे २४ तास सुरक्षित टेक ऑफ आणि लँडिंग सुविधांसह वापरण्यायोग्य करायचे होते.
ऑक्टोबरमध्ये अजित पवार यांनी बारामती विमानतळ विकसित करण्याचे निर्देश अधिकाऱ्यांना दिले होते. त्यांनी या समस्येवर उपाय म्हणून एक बैठक देखील घेतली होती. रात्रीच्या वेळी विमानांचे व्यवस्थित लँडिंग आणि टेक ऑफ व्हावे यासाठी प्रकाश व्यवस्था आणि रडार सिस्टीमसारख्या इतर तांत्रिक सुविधा लवकरात लवकर उपलब्ध करून देण्याचे आदेश त्यांनी अधिकाऱ्यांना दिले होते.
अजित पवार यांनी तेव्हा सरकार लवकरच सर्व लहान विमानतळांचा २४ तास वापर करण्यासाठी विकास करेल असे सांगितले होते. महाराष्ट्रातील विमान वाहतूक क्षेत्रात क्रांती घडवून आणण्यासाठी अजित पवार यांनी एक प्लान तयार केला होता. या योजनेअंतर्गत त्यांनी छोट्या विमानतळांवर टेक ऑफ आणि लँडिंग सुलभ करण्यासाठी सविस्तर योजनेवर शक्य तितक्या लवकर काम सुरू करण्याचे आदेश दिले . यामुळे छोट्या विमानतळांवरही उड्डाणांची संख्या वाढवणे शक्य होईल. अजित पवार यांनी तेथे सुविधांचा विस्तार करण्यासाठी एक प्लान विकसित करण्याचे आदेश अधिकाऱ्यांना दिले होते.
मुंबई आणि दिल्लीसारख्या विमानतळांवर जागेची कमतरता पाहून त्यांनी महाराष्ट्रातील छोट्या विमानतळांवर पार्किंग हबच्या योजनेचा आढावा घेतला होता. त्यानंतर बारामती, शिर्डी, यवतमाळ, धाराशिव, लातूर आणि नांदेडसारख्या लहान विमानतळांना बळकट आणि विकसित करण्यात यावे असे त्यांनी सांगितले होते. त्यानंतर वरिष्ठ राज्य अधिकाऱ्यांशी बैठक घेतल्यानंतर त्यांनी त्यांना या छोट्या विमानतळांवर शक्य तितक्या लवकर रात्रीच्या लँडिंग सुविधा विकसित करण्याच्या सूचना दिल्या होत्या. यामुळे याठिकाणी व्यावसायिक उड्डाणे सुरक्षित केले जाऊ शकतील.
बारामतीसारखे छोटे विमानतळ २४ तास सुरू राहण्यासाठी सज्ज असले पाहिजेत आणि ते काम लवकरात लवकर सुरू झाले पाहिजे, असे अजित पवार यांनी सांगितले होते. यासाठी त्यांनी एक विशेष बैठक घेतली आणि रनवेवरील प्रकाशयोजना, रडार सुविधा आणि इतर सुरक्षा उपाययोजना लवकरात लवकर विकसित करण्याचे निर्देश अधिकाऱ्यांना दिले होते. ज्या विमानतळाच्या सुधारणासाठी अजित पवार प्रयत्न करत होते त्याच विमानतळावर अजित पवार यांचा विमान अपघातामध्ये मृत्यू झाला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.