नेवासा तालुक्यातील सोनई येथे तरुणावर जीवघेणा हल्ला झालाय.
जुन्या वादातून मारहाण करण्यात आल्याचा आरोप कुटुंबीयांनी केलाय.
जातीय वादातूनच तरुणाला मारहाण करण्यात आली आहे.
नेवासा तालुक्यातील सोनई येथे एक मारहाणीच भयानक घटना घडलीय. जुन्या भांडणाच्या रागातून एका तरुणावर जीवघेणा हल्ला झाला. या मारहाणीत तरुण गंभीर जखमी झाला. मारहाणीनंतरचा व्हिडिओ सोशल मीडियावर खूप व्हायरल होतोय. दरम्यान जातीय वादावरून तरुणाला मारहाण झाल्याचा आरोप कुटुंबियांनी केला आहे. मारहाण करणाऱ्यांविरोधाय अॅक्ट्रॉसिटी कायद्यासह विविध कलमान्वये गुन्हा दाखल करण्यात आला आहे.
नितीन संजय वैरागर असं मारहाण झालेल्या तरुणाचे नाव आहे. या तरुणाला जुन्या वादाच्या रागातून लाकडी दांड्याने जीवघेणी मारहाण करण्यात आली आहे. आरोपींनी नितीन याला बळजबरीने गाडीत बसवून अज्ञात स्थळी नेलं.संजय वैरागरला जातीयवाचक शिवीगाळ करत लाथाबुक्यांनी आणि लाकडी दांड्याने मारहाण करण्यात आली, असा फिर्याद मारहाण झालेल्या तरुणाचे नातेवाईकांनी दिली आहे.
गंभीर जखमी झालेल्या नितीन वैरागर याच्यावर रूग्णालय उपचार सुरू असून जातीय मानसिकतेतून ही मारहाण झाल्याचे कुटुंबीयांनी म्हंटलय. याप्रकरणी संभाजी लांडे, संदीप लांडे, राजू मोहिते, गणेश चव्हाण, विशाल वने, महेश दरंदले, शुभम मोरे, अक्षय शेटे, नितीन शिंदे, स्वप्निल भळगट, हासणे आदींविरोधात सोनई पोलिस ठाण्यात गुन्हा दाखल करण्यात आला आहे.
या मारहाणीच्या घटनेनंतर वंचित बहुजन आघाडीचे अध्यक्ष प्रकाश आंबेडकर यांनी प्रतिक्रिया दिलीय. गुन्हेगारांवर दंडात्मक कारवाई करण्यात यावी अशी मागणी त्यांनी ट्विट करत केली आहे. अहमदनगर जिल्ह्यातील सोनई येथे मातंग समाजातील संजय वैरागर या तरुणाला गावातील आरएसएसच्या १५ ते २० गुंडानी गावातून उचलून नेऊन अज्ञात स्थळी अमानुषपने मारहाण केली. अत्यंत क्रूरपने पायावरून, हातांवरून मोटार सायकल घालून हात-पाय मोडले. त्याला जबर मारहाण करून डोळा निकामी केला.
आरोपींनी तर पीडित तरुणाच्या शरीरावर लघुशंका करून अज्ञातस्थळी फेकून दिले. अत्यंत घृणास्पद आणि चीड आणणारी ही घटना आहे. या पीडित तरुणाला अहमदनगर येथील शासकीय रुग्णालयात दाखल केले आहे. आज पीडित तरुण संजय वैरागर यांच्या वडिलांशी मी फोनवर बोललो. यातील आरोपींवर मकोका अंतर्गत कारवाई करण्याची आमची मागणी आहे. लवकरच पीडित कुटुंबियांची मी भेट घेणार आहे. या प्रकरणी आरोपींवर कठोर कारवाई करण्याची आमची मागणी असल्याचं प्रकाश आंबेडकर म्हणालेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.