दरवर्षी ७ जून रोजी जागतिक अन्न सुरक्षा दिन साजरा केला जातो. जागतिक अन्न सुरक्षा दिन हा लोकांना अन्नाच्या सुरक्षेबाबत जागरुक करण्यासाठी साजरा केला जातो. सध्याच्या काळात अनेकदा आपण बाहेरील जंक फूड खातो, ते शरीरासाठी चांगले नसते. त्याचसोबत आपण अनेक पदार्थ घराबाहेरुन आणते. यामुळेही शरीराला धोका निर्माण होतो. अन्नपदार्थामुळे शरीराला होणारा धोका दूर करण्यासाठी, त्याबाबत जनजागृती करण्यासाठी हा दिवस साजरा केला जातो.
आपण जेवण जरी घरी बनवत असलो तरीही त्यात लागणारे मसाले, तेल, भाज्या या सर्व गोष्टी बाहेरुन विकत आणतो. अनेकदा आपण बाहेरील मसाले जेवण बनवण्यासाठी वापरतो. या मसाल्यांमध्ये कधी कधी भेसळ असण्याची शक्यता असते. हे भेसळयुक्त मसाले कसे ओळखायचे, याबाबत आज आम्ही तुम्हाला माहिती देणार आहोत.
तिखटातील भेसळ ओळखण्यासाठी एका ग्लासात पाणी घेऊन त्यात एक चमचा तिखट टाका. ग्लासात खाली असलेली तिखटाची पावडर तुम्ही हातावर चोळा. ही पावडर जर तुम्हाला खडबडीत किंवा रखरखीत लागली तर त्यात अर्धी वीटेची पावडर किंवा वाळूची पावडर टाकली आहे. जर ही पावडर खूपच गुळगुळीत किंवा फेसाळ असेल तर त्यात दगडाची पावडर टाकली असावी.
काळी मिरी
काळी मिरीमध्येही अनेकदा भेसळ केली जाते काळी मिरीमध्ये अनेकदा फळांच्या बिया टाकल्या जातात. विशेषतः पपईच्या बारीक बिया काळी मिरीमध्ये मिक्स केल्या जातात. काळी मिरीमधील भेसळ ओळखण्यासाठी एका प्लेटमध्ये काळी मिरी घ्या. त्या मिरी हाताने दाबा. जर काळी मिरी फुटली तर ती काळी मिरी नाही. काळी मिरी सहसा बोटाच्या साहाय्याने तुटत नाही.
हळदीला पिवळा रंग देण्यासाठी त्यात भेसळ केली जाते. ही भेसळ ओळखण्यासाठी एका ग्लासात पाण्यात हळद पावडर मिसळा. जर हळद स्थिर राहिली आणि पाणी हलके पिवळे राहिले तर ती हळद भेसळयुक्त नाही. परंतु जर पाण्यात हळदीचा रंग गडद पिवळा झाला, तर ती हळद भेसळयुक्त आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.