अनेकजण बाहेर जेवताना थाळीला प्राधान्य देतात. ऑफिसचे लोक कधी बाहेर जेवायचे म्हटले तर एक थाळी घेतात. या थाळीत अनेक पदार्थ असतात. त्याचसोबत एका थाळीत पोट पूर्ण भरते. त्याचसोबत अगदी घरचे जेवण जेवल्यासारखे वाटते. परंतु आता हीच थाळी महाग झाली आहे. आता शाकाहारी थाळीसाठी जास्तीचे पैसे मोजावे लागणार आहेत. त्यामुळे शाकाहारी लोकांच्या खिशाला फटका बसणार असल्याचे दिसत आहे. सरासरी शाकाहारी थाळीच्या किंमतीत ९ टक्क्याने वाढ झाली आहे.
गुरुवारी प्रसिद्ध झालेल्या अहवालात, कांदा, टॉमेटो तसेच जीवनावश्यक पालेभाज्यांच्या किंमतीत वाढ झाली आहे. यामुळे शाकाहारी थाळी महाग झाल्याचे म्हटले आहे. क्रिसिल मार्केट इंटेलिजन्स अँड अॅनेलिसिसच्या अहवालात शाकाहारी थाळी महाग झाल्याचे सांगली आहे. तर दुसरीकडे ब्रॉयलर चिकनच्या दरात घसरण झाल्याने नॉन थाळीच्या किंमती कमी झाल्या आहेत.
अहवालात दिलेल्या माहितीनुसार, मे महिन्यात शाकाहारी खाद्यपदार्थांची किंमत २७.८ रुपये प्रति थाळी झाली आहे. हीच किंमत एका वर्षांपूर्वी २५.५ रुपये होती. या थाळीत भाजी चपातीचा समावेश असतो. त्यासाठी कांदा, टॉमेटो, बटाटा, तांदूळ, डाळ, दही, कोशिंबीर असते. याच गोष्टींच्या किंमती वाढल्याने थाळीची किंमत वाढली आहे.
टॉमेटोच्या किंमती ३९ टक्क्यांने वाढ झाली आहे तर बटाट्याच्या किमतीत ४१ टक्के आणि कांद्याच्या किंमतीत ४३ टक्के वाढ जाली आहे. याचाच परिणाम शाकाहारी थाळीच्या किंमतीवर झाल्याचे अहवालात सांगण्यात आले आहे.
तांदूळ डाळींच्या किंमतीतही वाढ झाली आहे. तांदूळ १३ टक्के तर डाळ २१ टक्क्यांनी महाग झाली आहे. तसेच खाद्य तेलांच्या किंमतीतदेखील वाढ जाली आहे. त्यामुळे शाकाहारी थाळी खाणाऱ्या लोकांना जास्तीचे पैसे मोजावे लागणार आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.