मद्यपान करणं प्रत्येकाच्या आरोग्यासाठी धोकादायक मानलं जातं. जास्त प्रमाणात दारूचं सेवन केल्याने तुमच्या लिव्हरमवर विपरीत परिणाम होतो. दारूचा नशा होतो म्हणजेच दारू अधिक चढते. मात्र तुम्हाला माहितीये का, पुरुषांच्या तुलनेत महिलांना दारू अधिक चढते असं मानलं जातं. याबाबत एक नवा अभ्यास देखील समोर आला आहे. हा दाव्यामागे अनेक वैज्ञानिक कारणं आहेत.

पुरुषांच्या तुलनेत महिलांना का दारू अधिक प्रमाणात चढते?

अनेकजण या गोष्टीचा संबंध सहनशक्तीशी जोडतात. असं मानलं जातं की, काही लोकांना अल्कोहोल टॉलरेंस अधिक होतो. तर काहींमध्ये याचं प्रमाण कमी असतं. मात्र या ठिकाणी सहनशक्तीचा कोणताही संबंध नाही.

विज्ञान काय सांगतं?

विज्ञानाच्या सांगण्यानुसार, महिला आणि पुरुषांमध्ये नशा चढण्यामागे एक प्रमुख कारण म्हणजे शरीराची रचना. अनेक अभ्यासांमधून असं समोर आलंय की, शरीराच्या रचनेमुळे महिला या दारूच्या सेवनासाठी अधिक संवेदनशील असतात.

शरीराची रचनेचा यावर कसा परिणाम होतो?

एंजाइम्सची एक्टिव्हीटी कमी होते

एका अभ्यासामध्ये पुरुष आणि महिलांना त्यांच्या वजनानुसार, समान मद्य देण्यात आलं. या अभ्यासातून जे निष्कर्ष समोर आले ते आश्चर्यकारक होते. यामध्ये असं दिसून आलं की, महिलांच्या शरीरात सुरुवातीच्या टप्प्यात अल्कोहोल विघटन करण्यासाठी जबाबदार असलेले एंजाइम्स पुरुषांच्या तुलनेत कमी एक्टिव्ह असतात.

ज्यावेळी दारू आपल्या शरीरात जाते तेव्हा हे एंजाइम्स मेटाबोलाईज करण्यासाठी काम करतात. मात्र महिलांमध्ये हे एंजाइम्स कमी प्रमाणात एक्टिव्ह असतात. त्यामुळे दारूचा एक भाग थेट ब्लडमध्ये पोहोचतो. यामुळे महिलांच्या रक्तात अल्कोहोलचं प्रमाण जलद वाढतं.

शरीराचा आकार आणि वजन

तज्ज्ञांच्या सांगण्यानुसार, शरीराचं वजन आणि आकार नशेची पातळी ठरवण्यात महत्त्वाची भूमिक बजावतात. सामान्यपणे महिलांच्या शरीराचा आकार हा पुरुषांच्या शरीराच्या तुलनेत लहान असतो. त्यामुळे या रचनेनुसार जेव्हा लहान व्यक्तीला मोठ्या व्यक्तीच्या तुलनेत मद्य दिलं जातं तेव्हा त्याचं प्रमाण जास्त होतं.

मेंदू कसं देतो रिएक्शन

दारूचा प्रभाव केवळ रक्तापर्यंत मर्यादित राहत नाही. तर त्याचा परिणाम तुमच्या मेंदूवरही होतो. संशोधनानुसार, महिलांचा मेंदू पुरुषांपेक्षा अल्कोहोलच्या परिणामांवर अधिक लवकर रिएक्शन देतो. जशी दारू रक्ताद्वारे मेंदूपर्यंत पोहोचते तेव्हा महिलांच्या न्यूरोलॉजिकल सिस्टीमना ते लवकर जाणवतं. त्यामुळेच महिलांना पुरुषांपेक्षा लवकर दारू चढते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.