आपण रोजच्या धावपळीत थकवा, चक्कर येणे किंवा सतत चिडचिड होणे याकडे दुर्लक्ष करतो. पण ही लक्षणं फक्त ताणतणावाची नसून Vitamin B च्या कमतरतेमुळेही असू शकतात. Vitamin B शरीरातील ऊर्जा, मेंदू आणि नर्व्हस सिस्टिमसाठी अत्यंत महत्त्वाचे आहे. त्यामुळे त्याची कमतरता वेळेत ओळखणं गरजेचं आहे. पुढे आपण याबद्दल सविस्तर जाणून घेणार आहोत.

Vitamin Bच्या कमीची लक्षणे कोणती?

1. सतत थकवा आणि कमजोरी जाणवणे.

पुरेशी झोप घेऊनही थकवा जाणवत असेल तर सावध व्हा. कारण Vitamin Bच्या कमीची ही लक्षणे असू शकतात. Vitamin B12 ऊर्जा निर्माण प्रक्रियेत मदत करते. त्याची कमतरता असेल शरीर लवकर थकतं आणि कमजोरी वाढते.

2. त्वचा फिकट किंवा पिवळसर दिसणं.

अचानक चेहऱ्यावरचे तेज कमी होणे आणि त्वचा फिकट दिसणे. हे लक्षण व्हिटॅमिन्सची कमीचे असू शकते. Vitamin B12 कमी झाल्याने रक्तातल्या लाल पेशी कमी होतात. यामुळे अ‍ॅनिमिया होऊन श्वास घेताना त्रास होऊ शकतो.

3. हात-पाय सुन्न होणे.

हात-पायांमध्ये मुंग्या किंवा सुन्नपणा जाणवत असेल तर शरीरात व्हिटॅमिन्सची कमी आहे. Vitamin B12 नर्व्हसाठी महत्वाचं असतं. कमतरतेमुळे नर्व्ह डॅमेज होऊन ही लक्षणं दिसतात.

4. चिडचिड किंवा नैराश्य.

कारण नसताना चिडचिड किंवा उदास वाटत असेल तर व्हिटॅमिनच्या कमीचा हा परिणाम समजावा. Vitamin B6, B12 आणि फोलेट मेंदूतील रसायनांसाठी आवश्यक असतो. याच्या कमतरतेमुळे नैराश्य आणि मानसिक अस्वस्थता वाढते.

तज्ज्ञांचा सल्ला

वरील सगळी लक्षणं जास्त दिवस दिसत असतील तर डॉक्टरांचा सल्ला घ्या. रक्ततपासणी करून Vitamin B ची पातळी तपासणंही महत्त्वाचं आहे. योग्य आहार आणि सप्लिमेंट्समुळे ही कमतरता भरून काढता येऊ शकते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.