Ladki Bahin Yojana: फेब्रुवारीचा हप्ताही लांबणीवर? लाडक्या बहिणींना कधी मिळणार १५०० रुपये? काय आहे नवी अपडेट

महिलांना आर्थिकदृष्ट्या सक्षम करण्याच्या हेतूने राज्य सरकारने लाडकी बहीण योजना सुरू केली. या योजनेंतर्गत महिलांना दर महिन्याला १५०० रुपये दिले जातात. पण गेल्या काही महिन्यांपासून या योजनेचे पैसे महिलांच्या बँक खात्यात पैसे जमा होण्यास उशीर होतोय. आता मार्च महिना सुरू झालाय.

अनेक महिलांना फेब्रुवारीचा हप्ता मिळालेला नाहीये. उशिराने पैसे मिळत असल्याने महिलांमध्ये नाराजीचे वातावरण आहे. दरम्यान अनेक महिलांच्या बँक खात्यात अजून जानेवारीचै पैसे आले नाहीत. दुसरीकडे फेब्रुवारी महिना संपून मार्च महिना सुरू झालाय, त्यामुळे फेब्रुवारी महिन्याचा हप्ता नेमका कधी मिळणार, असा प्रश्न आता महिला विचारू लागल्या आहेत.

राज्य सरकारच्या लाडकी बहीण योजनेतून महिलांना दर महिन्याला १५०० रुपये देते. २०२४ मध्ये ही योजना सुरू करण्यात आली होती. या योजनेअंतर्गत जानेवारीपर्यंतचे हप्ते देण्यात आलेत. मात्र आता महिलांना फेब्रुवारी आणि मार्च महिन्यांच्या हप्त्यांची प्रतीक्षा आहे. यापूर्वी जानेवारीचा हप्ता देखील उशिराने मिळाला होता. त्यानंतर आता फेब्रुवारी महिना संपूनही महिलांच्या खात्यात पैसे जमा झालेले नाहीत. दर महिन्याला हप्ता उशिरा मिळत असल्याने महिला वर्गात नाराजीचे वातावरण आहे.

आज होळीचा सण असल्याने फेब्रुवारीचा हप्ता जमा होईल, अशी महिलांना अपेक्षा होती. मात्र त्यांची ही अपेक्षा फोल ठरली. यामुळे महिलांना आता लाडकी बहीण योजनेच्या हप्त्यासाठी आणखी वाट पाहावी लागणार आहे. फेब्रुवारीच्या शेवटच्या आठवड्यात जानेवारीचा हप्ता देण्यात आला होता. त्यामुळे फेब्रुवारीचा हप्ताही उशिराने मिळण्याची शक्यता व्यक्त केली जात आहे. पुढील आठवड्याच्या अखेरीस पर्यंत पैसे येतील असा अंदाज आहे. दरम्यान याबाबत सरकारकडून अद्याप कोणतीही अधिकृत माहिती देण्यात आलेली नाही.