EPFO Update: होळीला ३१ कोटी कर्मचाऱ्यांना गुडन्यूज; PF खात्यावरील व्याजदर वाढणार की कमी होणार? आज होणार निर्णय

ईपीएफओ कर्मचाऱ्यांसाठी महत्त्वाची बातमी आहे. ईपीएफओच्या पीएफ व्याजदरात महत्त्वाचा बदल होण्याची शक्यता आहे. ईपीएफओची सेंट्रल बोर्ड ऑफ ट्रस्टीजची बैठक आज होणार आहे. या बैठकीत व्याजदराबाबत महत्त्वाचा निर्णय होऊ शकतो. यावर्षीसाठी सेंट्रल बोर्ड ऑफ ट्रस्टीज ८.२ ते ८.२५ टक्के व्याजदराची शिफारस करु शकते. ईपीएफओच्या या निर्णयाचा ३१ कोटी खातेधारकांना फायदा होणार आहे.

शेअर मार्केटमधील परतावा आणि बॉन्ड उत्पन्नामुळे हा निर्णय घेण्याची शक्यता आहे. त्यामुळे व्याजदरात फार काही बदल न करण्याची शक्यता आहे. गेल्या वर्षी हा व्याजदर ८.२५ टक्के होता. २०२२ मध्ये व्याजदर ८.१ टक्के होता. यावर्षी हा व्याजदर स्थिर राहण्याची शक्यता आहे.

ईपीएफओ सीबीटी बैठक २ मार्चल होणार आहे. यामध्ये सर्व विषयांवर चर्चा केली जाऊ शकते.मागच्या वर्षभरात शेअर मार्केटमध्ये तणावपूर्ण परिस्थिती होती.यामुळे परतावा अपेक्षेनुसार मिळाला नाही. त्यामुळे उत्पन्न कदाचित कमी असू शकते.

सोमवारी सीबीटी बैठकीपूर्वी गुंतवणूक समितीची बैठक होणार आहे. यामध्ये व्याजदराचा निर्णय घेतला जाणार आहे. यानंतर अर्थमंत्रालयाची मंजुरी दिली जाणार आहे. आज जो व्याजदर निश्चित केला जाईल तो ग्राहकांच्या खात्यात जमा केला जाईल. यामुळे आजचा निर्णय महत्त्वाचा ठरणार आहे.

EPFO 3.0 बाबतही चर्चा होण्याची शक्यता

ईपीएफओ सीबीटीच्या बैठकीत आणखी काही मुद्द्यांवर चर्चा होण्याची शक्यता आहे. यामध्ये EPFO 3.0 कधीपासून लाँच केले जाणार याबाबत निर्णय होऊ शकतो. ही सिस्टीम लाँच झाल्यावर तुम्हाला एटीएम किंवा यूपीआयद्वारे पीएफचे पैसे काढता येणार आहे. यामुळे कर्मचाऱ्यांना दिलासा मिळणार आहे.