Vitamin B12च्या कमतरेचं कारण काय? या ३ चुका आत्ताच टाळा, अन्यथा...

विकेंडला लोक मोठ्या संख्येने बाहेर हॉटेल्समध्ये जाऊन जेवतात. काहींना घरातल्या पदार्थांची इतकी चांगली चव लागत नाही, जितकी बाहेरच्या पदार्थांची किंवा जेवणाची लागते. पण या पदार्थांमध्ये असे काही पदार्थ असतात. ज्यामुळे तुम्हाला मिळणारे व्हिटॅमिन्स कमी होतात. तुम्ही जितका सात्विक आहार घेता तितकेच तुम्ही निरोगी राहता. पण काहींच्या चुकीच्या जीवनशैलीमुळे त्यांना व्हिटॅमिन्स मिळत नाहीत. अशावेळेस लोक त्याच्या गोळ्या घेणं पसंत करतात.

अनेकांना व्हिटॅमिन्सची कमतरता आहे हे खूप उशीरा कळतं. कारण त्याची लक्षणे माहित नसतात किंवा ते सामान्य म्हणून दुर्लक्षित करतात. पुढे आपण याबद्दल सविस्तर माहिती जाणून घेणार आहोत.

व्हिटॅमिन्स शरीराच्या योग्य कार्यासाठी अत्यंत महत्त्वाचे असतात. त्यापैकी व्हिटॅमिन B12 मेंदू व मज्जासंस्थेचे आरोग्य, लाल रक्तपेशींची वाढ आणि डीएनएसाठी महत्वाचं आहे. पण सध्याच्या जीवनशैलीमुळे अनेकांमध्ये व्हिटॅमिन B12 ची कमतरता असल्याचं दिसून येतं. या कमतरतेमुळे थकवा, अशक्तपणा, स्मरणशक्ती कमी होते, हाता-पायांना मुंग्या येतात. याने भविष्यात गंभीर न्यूरोलॉजिकल समस्यांना तुम्हाला सामोरं जावं लागतं.

मॅक्स सुपर स्पेशालिटी हॉस्पिटल, वैशालीचे वरिष्ठ तज्ज्ञ डॉ. पंकज चौधरी यांच्या मते, व्हिटॅमिन B12 ची कमतरता जे लोक शाकाहारी आणि व्हेगन आहार घेतात त्या व्यक्तींमध्ये जास्त प्रमाणात आढळते. कारण हे व्हिटॅमिन मांसाहारी पदार्थांमध्ये जास्त असतात. पण वाढतं वय, पचनसंस्थेचे आजार, क्रोन्स डिसीज, सिलिएक डिसीज किंवा पोटाच्या शस्त्रक्रियेनंतर शरीरात B12 शोषलं जात नाही. काही औषधांचा बरेच दिवस वापर आणि अती प्रमाणात मद्यपान हे याला कारणीभूत ठरतं.

सतत B12 ची कमतरता राहिल्यामुळे अ‍ॅनिमिया, मानसिक तणाव, नैराश्य, हृदयविकाराचा धोका तसेच गर्भधारणेच्या वेळेस अनेक समस्या निर्माण होऊ शकतात. त्यामुळे वेळेत तपासणी करून आहारात दूध, दही, अंडी, मासे, मांस किंवा फोर्टिफाइड पदार्थांचा समावेश करणं गरजंचे आहे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.