सावंतवाडी कोकणाची शान आहे. सिंधुदुर्ग जिल्ह्यातील हा एक तालुका आहे. सावंतवाडी पश्चिम महाराष्ट्राच्या किनाऱ्याजवळ वसलेले आहे. सावंतवाडीला गेल्यावर तुम्हाला अनेक पिकनिक स्पॉट पाहायला मिळतील. निसर्ग सौंदर्याने सावंतवाडी नटलेली आहे. यात मोती तलाव, नरेंद डोंगर, हनुमान मंदिर, सावंतवाडी पॅलेस आणि शिल्पग्राम यांसारखी पर्यटन स्थळांचा समावेश आहे. मे महिन्याच्या सुट्टीत लाँग ट्रिप प्लान करत असाल तर सावंतवाडील टॉप ४ ठिकाणांना आवर्जून भेट द्या.

मोती तलाव

सावंतवाडीतील मोती तलाव पर्यटकांचे आकर्षण आहे. सावंतवाडीला आल्यावर मोती तलावला आवर्जून भेट द्या. उन्हाळ्यात येथे तुम्हाला थंड वातावरण अनुभवता येते. मोती तलावाकाठी बसून तुम्ही एक निवांत संध्याकाळ घालवू शकता. जोडीदारासोबत फेरफटका मारण्यासाठी हे उत्तम ठिकाण आहे. सूर्यास्ताचा अद्भुत नजारा येथे पाहायला मिळतो.

आंबोली

आंबोली सिंधुदुर्ग जिल्ह्यातल्या सावंतवाडी तालुक्यात येते. कोकणातील हे सर्वात सुंदर ठिकाण आहे. आंबोली घाट समुद्रसपाटीपासून अंदाजे 700 मीटर उंचीवर आहे. येथे तुम्हाला डोंगर, दऱ्यांचा सुरेख नजारा पाहायला मिळेल. आंबोली धबधबा देखील पर्यटकांचे आकर्षण आहे. येथे तुम्ही भन्नाट फोटोशूटचा आनंद घेऊ शकता. तुम्ही मित्रांसोबत ट्रेकिंगचा प्लान देखील करू शकता. आंबोलीला गेल्यावर येथील कावळा शेत आणि महादेव गड पॉइंटला आवर्जून भेट द्या. येथे तुम्हाला निसर्गाचे अद्भुत रूप अनुभवता येईल.

सावंतवाडी पॅलेस

सावंतवाडीला ऐतिहासिक वारसा देखील लाभला आहे. सावंतवाडीला गेल्यावर सावंतवाडी पॅलेसला आवर्जून भेट द्या. डोंगराच्या माथ्यावर सावंतवाडी पॅलेस वसलेला आहे. येथे तुम्हाल फिरवळ पाहायला मिळेल. सावंतवाडी पॅलेस वास्तुकलेचा उत्तम नजारा आहे.

नरेंद्र डोंगर उद्यान

नरेंद्र डोंगर उद्यान घनदाट जंगलांनी वेढलेले आहे. नरेंद्र डोंगरावरून तुम्हाला शहराचे विहंगम दृश्य पाहायला मिळते. येथे तुम्ही ट्रेकिंगचा प्लान देखील करू शकता. लहान मुलांसोबत येथे आवर्जून भेट द्या.