तुम्ही हिवाळ्यात अनेकदा लोकांना हाताचे तळवे घासताना पाहिलं असेल. शाळेत शिक्षकही मुलांना हात चोळायला सांगतात. योगासने किंवा व्यायाम करणारे लोकही त्यांचे शरीर गरम करण्यासाठी तळवे एकमेकांना घासतात. अनेक वेळा चक्कर आल्याने लोक खाली पडतात तेव्हा त्यांचे तळवे घासतात. विशेषतः हिवाळ्यात दोन्ही हात चोळल्याने थंडीपासून आराम मिळतो. चला जाणून घेऊया हातांचे तळवे घासल्याने नेमके काय फायदे आहेत?

जेव्हा आपण दोन्ही हातांचे तळवे एकत्र घासतो तेव्हा शरीराला अनेक फायदे मिळतात. हाताचे तळवे एकमेकांवर चोळल्याने शरीरातील रक्ताभिसरण सुधारते. तळवे एकत्र चोळल्याने ऊर्जा मिळते आणि शरीराला उष्णता मिळते. यामुळे सर्दीपासून आराम मिळतो. असे अनेक फायदे आपल्याला मिळतात. मात्र बऱ्याच लोकांना याचे सोपे आणि आश्चर्यकारक फायदे माहितचं नसतात.

हाताचे तळवे एकत्र चोळण्याचे फायदे

तणावापासून मुक्ती - हाताचे तळवे एकत्र घासणे मानसिक आरोग्यासाठी फायदेशीर मानले जाते. जेव्हा तुम्ही हात चोळता तेव्हा ते मनाला शांत आणि आराम देते. हा एक योगा व्यायाम आहे जो केल्याने तुमचे शरीर सक्रिय आणि चार्ज होते. योगा करण्यापूर्वी हे नक्कीच केले जाते. सकाळ संध्याकाळ असे केल्याने दिवसभराचा ताण आणि थकवाही दूर होतो. त्यामुळे तुम्ही दिवसात जेव्हा आठवेल तेव्हा हात चोळणे महत्वाचे आहे.

डोळ्यांसाठी फायदेशीर - हात चोळणे डोळ्यांसाठी फायदेशीर आहे. जेव्हा तुम्ही तुमच्या हाताचे तळवे घासून गरम करता तेव्हा ते डोळ्यांचा ताण कमी होतो. यामुळे डोळ्यांभोवती रक्ताभिसरण सुधारते. जेव्हा तुमचे डोळे थकतात तेव्हा तळवे चोळा आणि डोळ्यांना लावा, यामुळे खूप आराम मिळेल. अशा सोप्या सवयी तुम्हाला निरोगी आयुष्य जगण्यासाठी खूप फायदेशीर ठरतात.

सर्दी घालवण्यासाठी उपाय - हिवाळ्यात हात चोळल्याने सर्दी निघून जाते. जेव्हा तुमचे हात काम करताना थंड होऊ लागतात तेव्हा त्यांना एकत्र चोळा. यामुळे हातातील रक्ताभिसरण सुधारते आणि शरीरात उष्णताही निर्माण होते. हिवाळ्यात, जेव्हा थंड हवेमुळे बोटे गोठू लागतात, तेव्हा हा एक प्रभावी व्यायाम असल्याचे सिद्ध होते. याच्या मदतीने हाताचा कडकपणा कमी होऊ शकतो.

Written By : Sakshi Jadhav