बाहेर मुसळधार पाऊस सुरू झाला की सर्वांना गरम गरम भजी खावीशी वाटतात. आता रोज नवीन नवीन कोणती भजी बनवावी याचा मोठा प्रश्न अनेकांना पडतो. तर आज आम्ही तुमच्यासाठी मुगाच्या डाळीचे भजी कसे बनवतात याची रेसिपी आणली आहे.

साहित्य

मुगाची डाळ

पाणी

हिरवी मिरची

कांदा

अद्रक

कोथिंबीर

मीठ

तेल

बेसन पीठ

कृती

मुगाच्या डाळीचे भजी बनवणे फार सोपे आहे. त्यासाठी आधी अर्धा तास तरी मुगाची डाळ भिजत ठेवा.

डाळ भिजवायला विसरले असाल आणि ऐनवेळी तुम्हाला भजी खावीशी वाटत असतील तर सुरुवातीला डाळ ओबाडधोबड राहील अशी मिक्सरला फिरवून घ्या. त्यानंतर ती कोमट पाण्यात टाकून ठेवा.

पुढे कांदा चिरून घ्या. भजी बनवताना कांदा नेहमी अगदी बारीक चिरून घ्यावा. त्यानंतर थोडं आलं, मिरची आणि कोथिंबीर मीठ टाकून मिक्सरला बारीक करून घ्या.

पुढे एका भांड्यात बेसन पीठ काढून घ्या. या पिठात थोडं जिरे मिस्करला बारीक केलेलं मिश्रण देखील मिक्स करा. त्यानंतर यात चवीनुसार मीठ आणि बारीक केलेली डाळ मिस्क करा.

भजी छान फुलावेत यासाठी त्यामध्ये थोडा सोडा टाका. त्यानंतर गरम तेलात भजी तळून घ्या. असे गरम भजी प्रत्येकाला खावे वाटतात.

तुम्ही हे भजी सॉस किंवा मिरची आणि चहा बरोबर देखील खाऊ शकता.