मुलांना पैशांची किंमत आणि बचतीची सवय आपल्या कुटुंबातून सर्वप्रथम लागते. त्यामुळे पालकांनी वेळेतच मुलांना पैशांचे महत्त्व समजावून सांगावे. आर्थिक सुरक्षितता भविष्यात किती गरजेची आहे हे पटकून दिले पाहिजे आणि त्यासाठी वर्तमानात बचत करावी लागते हे सांगावे. तसेच पालकांनीही मुलांसमोर पैशांचा अतिवापर करू नये. उदा, शॉपिंग, बाहेरचे फूड खाणे. कारण मुलं तुमचं निरीक्षण करत असतात.

पिगी बँक

लहान मुलांना पालकांनी पिगी बँकमध्ये पैसे साठवण्याची सवय लावा. यामुळे त्यांच्याकडे हळूहळू करून खूप पैसे जमा होतील. तुम्ही मुलांना एका ठराविक टार्गेट फिक्स करून द्या आणि पैसे साठवण्यास प्रोत्साहन द्या.

आर्थिक गुंतवणूक

लहान वयातच मुलांना पालकांनी आर्थिक गुंतवणूकीचे धडे देणे महत्त्वाचे आहे. कारण त्याशिवाय त्यांना पैशांची किंमत कळणार नाही. वर्तमानातील गुंतवणूक भविष्यासाठी कशी गरजेची आहे. हे पालकांनी मुलांना समजवून सांगावे.

लक्झरी आणि गरज मधला फरक

लहान वयातच मुलांना पालकांनी लक्झरी आणि गरज यातील फरक समजावून सांगावा. यामुळे मुलांनी गोष्टींची आणि पैशांची किंमत कळते. यामुळे लहान मुलं कमी वयात योग्य आर्थिक निर्णय घेतात.

खेळातून पैशांचे महत्त्व

लहान मुलांना खेळायला खूप आवडते. त्यामुळे पालकांनी मुलांना नवा व्यापार सारख्या खेळातून पैशांचे महत्त्व समजावे.

छोट्या एक्टीव्ही

पालकांनी मुलांना रोज छोट्या एक्टीव्ही देऊन पैसे कमवायला शिकवावे. तसेच प्रत्येक छोट्या मोठ्या गोष्टींची किंमत करायला शिकवावी.

हट्ट पुरवू नये

मुलांना पैशांची किंमत नसल्यास यात पालकांचा मोठा वाटा असतो. कारण पालक मुलांचे अतिलाड करून प्रत्येक हट्ट पूर्ण करतात. त्यामुळे मुलांना पैशांची आणि वस्तूंची किंमत समजत नाही. त्यामुळे लहान वयापासूनच मुलांनी शिस्त लावा.