आपल्या शरीरातील अवयवांची विशिष्ट हालचाल होणं ही सर्वसामान्य गोष्ट आहे. अनेकदा हे थकवा, ताणतणाव किंवा इतर कारणांमुळे घडते. पण समुद्रशास्त्र आणि ज्योतिषशास्त्राच्या दृष्टीने ही घटना सामान्य मानली जात नाही. प्राचीन मान्यतेनुसार, डोळा किंवा इतर अवयव फडफडणं हे येणाऱ्या काळातील काही संकेत देत असते.

स्त्रियांच्या बाबतीत, डावा डोळा फडफडणं हे अत्यंत शुभ मानलं गेलं आहे. असं झाल्यास आयुष्यात चांगल्या घडामोडी होण्याची शक्यता वाढते. चला तर मग जाणून घेऊया स्त्रियांच्या डाव्या डोळ्याच्या फडफडण्यामागील रहस्य काय आहे.

डावा डोळा फडफडणं - सौभाग्याचं चिन्ह

मान्यतेनुसार स्त्रियांच्या डाव्या डोळ्याचं फडफडणं हे सौभाग्याचं लक्षण आहे. असं घडल्यास जवळच्या भविष्यात एखादा शुभ समाचार मिळू शकतो. कधी कधी हे आर्थिक लाभाचेही संकेत मानले जातात. अचानक मिळालेल्या यशामुळे जीवनात मोठी प्रगती होऊ शकते.

नोकरी व व्यवसायात प्रगती

डावा डोळा फडफडल्याने स्त्रियांना केवळ नोकरीतच नव्हे, तर व्यवसायातही यश मिळण्याची शक्यता असते. मान्यतेनुसार पदोन्नती, जबाबदाऱ्या वाढणे किंवा व्यवसायात नफा मिळणं असे लाभ होतात.

कौटुंबिक आनंदाचे संकेत

डोळा फडफडल्याने केवळ आर्थिक किंवा व्यावसायिक लाभच नव्हे, तर कौटुंबिक आनंदही मिळू शकतो. विवाह ठरणं, अपत्यप्राप्ती होणं यांसारख्या शुभ प्रसंगांची शक्यता वाढते.

समाजात मान-सन्मान वाढणे

स्त्रियांच्या डाव्या डोळ्याचं फडफडणं हे सामाजिक प्रतिष्ठा वाढण्याचंही संकते असतात. अडथळे दूर होऊन अडकलेली कामं पूर्ण होऊ शकतात. परिणामी समाजात आदर आणि मान्यता वाढते.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. याचं समर्थन अथवा दावा करत नाही.