सकाळी सकाळी मुड फ्रेश व्हावा यसाठी प्रत्येक व्यक्ती चहा पितात. चहा प्यायल्याने मुड एकदम रिफ्रेश होतो. सकाळची भूक देखील लागते त्यामुळे काही जण चहाबरोबर बिस्कीट किंवा टोस्ट अशा गोष्टी खातात. मात्र दररोज पीठ, मैदा यांपासून बनवलेले पदार्थ खाऊन कंटाळा येतो. त्यामुळे आज आम्ही तुम्हाला चहाची चव दुप्पट वाढवतील अशी काजूची रेसिपी सांगणार आहोत.

साहित्य

• 250 ग्राम काजू

• पुदिना

• चाट मसाला

• सैंधव मीठ

• बटर

कृती

• आधी तुम्ही घेतलेले काजू स्वच्छ धुवून घ्या. त्यानंतर ते साफ करा आणि पुन्हा एकदा धुवून घ्या.

• धुतलेले काजू सुक्या कापडाने थोडे कोरडे करून घ्या. काजू पूर्ण कोरडे झाल्यानंतरच रेसिपी बनवण्यास सुरुवात करावी.

• त्यासाठी आधी एका पातेल्यात बटर वितळवून घ्या. त्यानंतर यात काजू टाका आणि छान परतून घ्या.

• त्यावर थोडं सैंधव मीठ टाका. तसेच ओव्हन प्री हिट होण्यासाठी ऑन करा. पुढे त्यावर काजू 10 मिनिटांसाठी बेक करून घ्या.

• त्यानंतर काजू बाहेर कडल्यावर त्यावर चाट मसाला आणि पुदिना चटणी लावा. अशा पद्धतीने तयार झाली तुमची बेक चटपटीत काजू रेसिपी.

• तुम्ही घरी पाहुणे आपल्यावर त्यांना देखील ही स्वादिष्ट डिश खण्यासाठी देऊ शकता. अगदी लहान मुलांना देखील हे चटपटीत काजू फार आवडतील. अशा पद्धतीने बनवलेले काजू पुदिना चटणी न लागल्यास आठ दिवस चांगले राहतात.

• फक्त हे काजू एका काचेच्या बरणीत भरून ठेवा. विविध कोल्ड ड्रिंक्स सोबत देखील हे काजू फार छान लागतात. तुम्हाला काजूची भाजी बनवायची असेल तेव्हा देखील तुम्ही असेच काजू वापरू शकता.