पाणीपुरी आवडीने खात असाल तर वेळीच सावध व्हा. कारण पाणीपुरीमुळे भयंकर अशा कॅन्सरचा धोका निर्माण होऊ शकतो.अनेकजण आवडीने पाणीपुरी खातात. त्यामुळे ही बातमी पाहून भीती निर्माण झालीय.पाणीपुरीबाबत काय दावा करण्यात आलाय पाहुयात.

कॉटन कँडी(cotton-candy) कोबी मंच्युरियन आणि कबाबनंतर आता लोकप्रिय स्ट्रीट फूड, पाणीपुरीमुळेही कॅन्सर होण्याची शक्यता असल्याचं आढळून आलंय. अन्न सुरक्षा आणि गुणवत्ता विभागाला त्यामध्ये वापरल्या जाणाऱ्या घटकांमध्ये विशेषतः सॉस आणि गोड करी पावडरमध्ये कार्सिनोजेनिक पदार्थ असल्याचे संकेत मिळाले आहेत. कर्नाटकमध्ये जमा करण्यात आलेल्या सुमारे ४०० नमुन्यांपैकी २२ टक्के नमुने दूषित असल्याची नोंद करण्यात आलीय.

हा मेसेज व्हायरल झाल्याने याची पडताळणी करणं गरजेचं आहे. पाणीपुरीमध्ये(pani-puri) काय वापरलं जातं. त्यामुळे खरंच कॅन्सरचा धोका होऊ शकतो का हे तज्ज्ञ सांगू शकतात. त्यामुळे आमच्या टीमने तज्ज्ञांकडून माहिती जाणून घेतली...

डॉ. कल्याण गंगवाल, वैद्यकीय तज्ज्ञ

व्हायरल सत्य

पाणीपुरीमध्ये कलरिंग एजंट म्हणून केमिकल (chemical)वापरली जातात

कलरिंग एजंट कार्सोजेनिक म्हणजेच कॅन्सरसाठी पोषक असतात

पाणीपुरी विक्रेत्यांना देखील या कलरिंग एजंटची माहिती नसते

फक्त पाणीपुरीच नाही तर, हॉटेलमधील पदार्थ, मिठाईत कार्सोनेजेनिक कलरिंग एजंट वापरतात

कलरिंग एजंट बरोबरच, पदार्थांना चव येण्यासाठी अजिनोमोटो वापरले जाते

अजिनोमोटोदेखील आरोग्यास धोकादायक असून त्यामुळे कॅन्सर होऊ शकतो

भारतात हृदयविकार (heart-attack)आणि कॅन्सरचे प्रमाण जगात सर्वाधिक आहे. त्यामुळे आपण जास्त काळजी घेण्याची गरज आहे.मुंबईत पाच हजारांहून अधिक तर महाराष्ट्रात २२ हजार पाणीपुरी विक्रेते असल्याचे सांगण्यात आलंय. बंगळुरमधील ४९ ठिकाणांसह कर्नाटकातील विविध ठिकाणांहून पाणीपुरीचे नमुन्यात हानिकारक अन्नपदार्थ असल्याचं आढळून आलंय. त्यामुळे पाणीपुरी खाताना काळजी घ्या.नाहीतर तुमचं आरोग्य धोक्यात आलंच समजा.