दिवाळी २०२५ हा सण भारतात मोठ्या धामधुमीत साजरा केला जातो. ज्या प्रमाणे उन्हाळ्याच्या सुट्टीचा हा काळ असतो. त्याचप्रमाणे दिवाळीला पाच दिवसांची सलग रजा असते. मात्र यंदा पाच दिवसांच्या ऐवजी सहा दिवस दिवाळी साजरा केली जाणार आहे. यंदा मोठी आणि छोटी दोन्ही दिवाळी एकाच दिवशी साजरी होतील. कॅलेंडरनुसार, कार्तिक महिन्याच्या कृष्ण पक्षाच्या तेराव्या दिवसापासून शुक्ल पक्षाच्या दुसऱ्या दिवसापर्यंत दीपोत्सव साजरा केला जातो. पारंपारिकपणे दीपोत्सव पाच दिवसांचा असला तरी, यंदा धनत्रयोदशीची तिथी दोन दिवसांवर येणे यामुळे हा उत्सव सहा दिवसांचा झाला आहे.

यंदा दिवाळी १८ ऑक्टोबर रोजी सुरू होऊन २३ ऑक्टोबर २०२५ रोजी संपेल. १८ ऑक्टोबर शनिवार रोजी द्वादशी तिथी दुपारी १२:१९ पर्यंत राहील आणि त्यानंतर धनत्रयोदशीची तिथी सुरू होईल. ज्योतिषशास्त्रानुसार १८ ऑक्टोबर रोजी दुपारपासून रात्रीपर्यंत त्रयोदशी तिथी असल्याने या दिवशी धनतेरस साजरी करणे शुभ ठरेल.

रविवार, १९ ऑक्टोबर रोजीही त्रयोदशी तिथी दुपारी १:५१ पर्यंत राहील. या दिवशी धन्वंतरीची पूजा करून खरेदी केल्याने अनेक शुभ घटना तुमच्या आयुष्यात येतील. सोमवारी, २० ऑक्टोबर रोजी नरक चतुर्दशी, किंवा छोटी दिवाळी साजरी केली जाईल. या दिवशी चतुर्दशी तिथी दुपारी ३:४५ पर्यंत राहील, त्यानंतर अमावस्या तिथी सुरू होईल. अमावस्या तिथीत प्रदोषकाळात लक्ष्मीपूजन केले जाते, त्यामुळे २० ऑक्टोबर रोजी सकाळी नरक चतुर्दशी आणि संध्याकाळी लक्ष्मीपूजन साजरे केले जातील.

मंगळवार, २१ ऑक्टोबर रोजी गोवर्धन पूजा पारंपारिक वेळेनुसार होणार नाही कारण कार्तिक शुक्ल पक्षाचा पहिला दिवस असल्याने हा दिवस अमावस्या तिथीच्या सकाळपासून दुपारपर्यंत राहील. बुधवारी, २२ ऑक्टोबर रोजी कार्तिक शुक्ल प्रतिपदा तिथी असल्यामुळे लोक घरी आणि मंदिरांमध्ये गोवर्धन पूजा करतील आणि भगवान श्रीकृष्णाला अन्नकुट अर्पण करतील.

दिवाळीचा सहावा दिवस, २३ ऑक्टोबर गुरुवार रोजी, भाऊबीज साजरा केला जाईल. या दिवशी बहिणी आपल्या भावांना घरी बोलावतात, त्यांना तिलक लावतात, जेवण देतात आणि त्यांच्या दीर्घायुष्यासाठी प्रार्थना करतात. यंदा दिवाळी फक्त पाच दिवसांची नाही तर सहा दिवसांची साजरी होणार असल्याने लोकांना उत्सवाचे आनंद अधिक दिवसांपर्यंत अनुभवता येईल.