पावसाळ्यात फिरण्यासोबत त्वचेची देखील विशेष काळजी घेतली पाहिजे. पावसाळ्यातील दमट वातावरणामुळे चेहऱ्यावर पिंपल्स, काळे डाग आणि मुरूमांची संख्या वाढते. ज्यामुळे कधीकधी त्वचेला ॲलर्जी होण्याचा धोका उद्भवतो. अशावेळी त्वचेची नियमित काळजी घेणे गरजेचे आहे. पावसाळ्यात रोगप्रतिकारक शक्ती मजबूत ठेवण्यासाठी आपण केळ खातो. मात्र केळ्याची सालं टाकून देतो. पण केळ्याची साल टाकून न देता पावसाळ्यात त्वचेच्या आरोग्यासाठी तिचा वापर होऊ शकतो. केळ्याची सालीमधील पोषक घटक त्वचा निरोगी ठेवण्यास मदत करतात.

त्वचेचे आरोग्य

केळीच्या सालं त्वचेसाठी फायदेशीर ठरते. पावसाळ्यात चेहऱ्यावर येणारे पिंपल्स, काळे डाग आणि सुरकुत्या कमी करण्यासाठी केळीची सालं चेहऱ्यावर चोळावी. यामुळे त्वचा चमकदार होण्यास मदत होते. तसेच त्वचेवरील लाल चट्टे देखील दूर होतात. त्वचा हायड्रेटेड राहून तजेलदार दिसते. आठवड्यातून २ ते ३ वेळा तुम्ही केळ्याची सालं चेहऱ्यावर चोळू शकता. यामुळे त्वचेची जळजळ देखील कमी होते. केळ्याच्या सालीमध्ये अँटिऑक्सिडंट्स आणि व्हिटॅमिन सी मोठ्या प्रमाणात असते. ज्यामुळे चेहऱ्याचे तारुण्य टिकून राहते. केळ्याच्या सालीमधील दाहक विरोधी गुणधर्म त्वचेचे ॲलर्जीपासून संरक्षण करतात.

डोळ्यांखालील काळे डाग

झोपेच्या अभावामुळे डोळ्यांखाली काळी वर्तुळं येतात. ज्यामुळे चेहऱ्याचे सौंदर्य खराब होते. अशावेळी केळीच्या साली १५ ते २० मिनिटांसाठी डोळ्यांखालच्या भागावर ठेवा. त्यानंतर चेहरा स्वच्छ पाण्याने धुवून घ्या. यामुळे डोळे देखील शांत होतील. डोळ्यांची जळजळ कमी होते. तसेच डोळ्यांवरील बारीक रेषा दूर होतात.

दातांचे आरोग्य

चमकदार दातांसाठी नियमित केळ्याचे सालं दातांवर चोळावे. यामुळे दातांचा पिवळेपणा दूर होऊन. दात शुभ्र - पांढरे होतात. केळीच्या सालीमध्ये पोटॅशियम आणि मॅग्नेशियम मुबलक प्रमाणात असते जे तुमचे दातांचे आरोग्य चांगले ठेवते.

डिस्क्लेमर : ही फक्त सामान्य माहिती आहे. अधिक तपशीलांसाठी डॉक्टरांशी संपर्क साधा.