आजचे पंचांग

बुधवार,८ऑक्टोबर २०२५,अश्विन कृष्णपक्ष.

तिथी-द्वितीया २६|२३

नक्षत्र-अश्विनी

रास-मेष

योग-हर्षण

करण-तैतिल

दिनविशेष-शुभदिवस

मेष - आरोग्याच्या तक्रारी असतील तर आज कमी होतील. रखडलेली कामे मार्गी लागतील. धावपळ आणि दमणूकीचा आजचा दिवस असेल. यातच आनंद मानाल.

वृषभ - काहींना मानसिक अस्वस्थता जाणवेल. का आज हे घडतंय याचे कारण कळणार नाही. वस्तू गहाळ होणार नाहीत ना याचीही दक्षता घ्या. मनस्ताप वाढवणाऱ्या घटना घडतील.

मिथुन - महत्वाच्या गाठीभेटींचा आजचा दिवस आहे. बैठका पार पडतील. कामांमध्ये नव्याने गती येईल. उत्साह, उमेद वाढवणारी एखादी घटना घडेल.

कर्क - सगळ्यांशी चांगले वागणे आपल्याला नेहमीच आवडते. सामाजिक क्षेत्रात आज विशेष हुरूपाने भाग घेणार आहात. आपल्या सहकारी लोकांच्याकडून आपल्या नावाची शिफारस होईल. दिवस चांगला आहे .

सिंह - द्रुतगती प्रवास घडतील. जबाबदारीने एखादे काम करण्यासाठी पुढे व्हाल. महत्त्वाची घटना महत्त्वाची गोष्ट कानावर येईल. देवधर्म, अध्यात्म या गोष्टींमध्ये सखोल ज्ञान घेण्याचा प्रयत्न कराल.

कन्या- वाहने जपून चालवावेत आज हा महत्त्वाचा सल्ला विचारात घ्या. कामाच्या बाबतीत मात्र इतर कोणाच्याही सहकार्याची अपेक्षा नको." दे धडक बेधडक" कामे करायला हरकत नाही.

तूळ - भागीदारी व्यवसाय असेल तर आज त्यामध्ये सुयश लाभेल. जोडीदाराची सुद्धा उत्तम साथ लाभल्यामुळे तिळातिळांनी का होईना यश वृद्धींगत होईल. दिवस चांगला आहे.

वृश्चिक - शत्रूंवर मात करून पुढे जाल. नोकरीच्या ठिकाणी कर्मचारी वर्गाकडून आपल्याला उत्तम सहकार्य मिळणार आहे. मात्र जवळचेच लोक पाठीत खंजीर खूप असतात अशी काहीशी जाणीव आज होईल. काळजी घ्या.

धनु - बौद्धिक आणि शैक्षणिक क्षेत्रात विशेष प्रगतीचे योग आहेत. आपल्या वरिष्ठांचे सहकार्य लागेल. प्रगतीपथावर वाटचाल होईल. प्रेमामध्ये नवीन दिशा कळेल. दत्त उपासना करावी.

मकर - राहत्या जागेचे प्रश्न मार्गी लागणार आहेत. तुमचे निर्णय आणि अंदाज अचूक ठरतील. जागेचे व्यवहार खरेदी विक्री असेल तर त्यामध्ये सुद्धा आज गती आणि प्रगती दिसते आहे.

कुंभ - मनाने अशी एखादी ठरवलेली गोष्ट जिद्दीने पार पाडाल. यामध्ये आपल्याच जवळचे लोक नातेवाईक, भावंड यांचे विशेष सहकार्य आहे. दिवस चांगला आहे.

मीन - जुनी येणी वसूल होणार आहेत. व्यवसायामध्ये नवीन तंत्र आणि मंत्र अवगत कराल. ठरवलेल्या गोष्टी नियोजनबद्ध पद्धतीने करण्यात आज आपला पुढाकार असेल.