प्रबोधनकार ठाकरेंचा विचार की हिंदू धर्माचा अपप्रचार; पुस्तकावरुन वादाची ठिणगी

कस्तुरबा रुग्णालयातील प्रबोधनकार ठाकरेंच्या देवळांचा धर्म आणि धर्माची देवळं या पुस्तकाचा वाद आता चांगलाच पेटलाय.. या वादात आता थेट मनसेनं उडी घेत प्रबोधनकारांचा अपमान करणाऱ्यांविरोधात कारवाई करण्याची मागणी केलीय. दुसरीकडे ठाकरे सेनेच्या नेत्या किशोरी पेडणेकरांनी मात्र स्वातंत्र्यापुर्वीचं पुस्तक का वाटलं? एवढंच नाही तर पुस्तक वाटणाऱ्या कदमांचा आका कोण? असा सवाल उपस्थित केलाय. दुसरीकडे ठाकरेंनी मात्र प्रबोधनकारांच्या लेखणीचा गर्व असल्याचं म्हटलंय.. मात्र प्रबोधनकारांच्या पुस्तकावरुन वाद का पेटला? कस्तुरबा रुग्णालयात नेमकं काय घडलं? पाहा.

या वादानंतर साम टीव्ही पोहचली थेट पुस्तक वाटणाऱ्या राजेंद्र कदम यांच्याकडे. यावेळी राजेंद्र कदम यांनी नेमकं काय म्हटलंय? पाहा. प्रबोधनकार ठाकरेंनी हिंदू धर्मातील रुढी परंपरांवर परखड भाष्य केलंय.. याच पुस्तकावरुन आता वादाचा भडका उडालाय.. मात्र हा वाद ऐन महापालिका निवडणुकीच्या तोंडावर पेटला असताना प्रबोधनकारांचं पुस्तक वाटण्यामागे त्यांचे विचार लोकांपर्यंत पोहचवण्याचा की हिंदूधर्माचा अपप्रचार करण्याचा हेतू आहे? असा सवाल विचारला जातोय