पंचांग

मंगळवार,७ ऑक्टोबर २०२५,अश्विन शुक्लपक्ष,

कार्तिकस्नानारंभ.

तिथी-पौर्णिमा ०९|१८

प्रतिपदा २९|५४

नक्षत्र-रेवती

रास-मीन २५|२८ नं. मेष

योग-ध्रुव ०९|३१

व्याघात २९|३५

करण-बवकरण

दिनविशेष-क्षयतिथी

मेष - वेगवान असा आजचा दिवस असेल. कधी सुरू झाला कधी संपला कळणार नाही. इतकी धावपळ होईल. चोर, चोरी या गोष्टीपासून सावधगिरी बाळगण्याचा आजचा दिवस आहे. विनाकारण मनस्ताप वाढेल.

वृषभ- मित्र-मैत्रिणींच्या गराड्यामध्ये दिवस व्यस्त राहील. व्यवसायामध्ये नवनवीन संधी येतील. या संधीचे सोनं नक्की तुम्ही कराल. कलाकारांना दिवस लाभदायक असा आहे.

मिथुन - सामाजिक प्रतिष्ठा आपली वाढती राहील. राजकारणही लोकांच्या पासून फायदा आहे. चांगल्या लोकांच्यात ऊठबस होईल. वाणी आणि वक्तृत्व यापासून आपल्याला एक नवे वलय प्राप्त होईल.

कर्क - शिव उपासना करावी. मोठे प्रवास घडतील. नातेवाईक आणि स्नेही जण यांच्याबरोबर आनंदी क्षण घालवाल. भाग्यकारक घटना सहज घडताना दिसून येतील. दिवस चांगला आहे.

सिंह - सरकारी काम करताना व्यत्यय येण्याचा संभव आहे. वेगवान वाहनांपासून स्वतःची काळजी घ्या. दुपारनंतर महत्त्वाची कामे करणे योग्य राहील. मोठे धनलाभ होतील.

कन्या - नको असणाऱ्या गोष्टींचा ससेमीरा आपल्या मागे असेल तर तो आज संपुष्टात येईल. तुमच्या बाजूने कोर्टकचेरी मध्ये पुढाकार घ्याल. काही गोष्टी सकारात्मक दिसून येतील. व्यवसायामध्ये वृद्धी होईल.

तूळ - स्त्रियांना स्त्रीरोग विषयक अडचणी सतावतील. नोकरीमध्ये धावपळ आणि दगदगीचा दिवस आहे. जीव ओतून काम कराल. आपले शत्रू वाढते राहतील. सावध रहावे.

वृश्चिक - कुलस्वामिनी ची उपासना करावी. क्रीडा क्षेत्रात विशेष प्रगती होईल. एकट्यानेच कामे करावी लागतील. पण यश मात्र सहज मिळेल. शेअर्स आणि लॉटरी फायदा आहे.

धनु - कौटुंबिक सोहळा एखादा अनुभवाल. घरात धार्मिक कार्य होईल. नवीन वस्तूंची खरेदी होईल. देवधर्माकडे विशेष कल राहील. आपल्यातील द्विधा मनस्थिती मात्र टाळावी. दिवस चांगला आहे.

मकर - प्रेमामध्ये लाभ होतील. जवळचे प्रवास घडतील. शेजाऱ्यांकडून मदत होईल. लेखक, प्रकाशक, कवी कलाकार यांना दिवस चांगला आहे.

कुंभ - आपल्या वाणीवर नियंत्रण ठेवणे आज गरजेचे आहे. आपल्यामुळे कोणी दुखावले जाणार नाही ना याची काळजी घ्या. तेलकट खाण्याची तलफ येईल. दिवस संमिश्र आहे "शिळ्या कढीला ऊत" अशा काही चर्चा होतील.

मीन - स्वतःचाच आनंद शोधण्याचा प्रयत्न करा. इतरांना आपल्यापासून नवीन उर्मी जाणवेल. उत्साहाने कार्यरत रहाल. म्हणून चिंतनात ध्यानात ,दानात, अध्यात्मात दिवस व्यस्त राहील.