विकी कौशलचा छावा चित्रपट बॉक्स ऑफिसवर धुमाकूळ घालत आहे. छावा चित्रपटातून छत्रपती संभाजी महाराजांची कथा दाखवण्यात आली आहे. या चित्रपटाचे सर्व शो हाउसफुल झाले आहेत. थिएटरमधील अेक व्हिडिओ व्हायरल होत आहे. अनेक चाहते चित्रपट बघून रडताना दिसत आहे. नुकताच एका मुलाचा थिएटरमधील व्हिडिओ व्हायरल होत आहे. हा मुलगा चित्रपट बघून झाल्यानंतर महाराजांना मानवंदना देताना दिसत आहे.यावेळी हा लहान मुलगा खूप रडत आहे.

छत्रपती संभाजी महाराजांच्या आयुष्यावरील या चित्रपटाने अनेक लोकांच्या डोळ्यात पाणी आले आहे. अनेक लोक चित्रपटगृहात शिवाजी महाराज आणि संभाजी महाराजांच्या नावाने घोषणा देताना दिसतात. हा प्रत्येकासाठी खूप गर्वाचा क्षण आहे. हा चित्रपट पाहून झाल्यानंतर एका लहान मुलाने टाहो फोडल्याचे दिसत आहे. स्वतः विकी कौशलने हा व्हिडिओ शेअर केला आहे.

या व्हिडिओत एक लहान मुलगा छावा चित्रपट बघून झाल्यावर छत्रपती शिवाजी महाराजांना मानवंदना देताना दिसत आहे. ' प्रौढ प्रताप पुरंदर,क्षत्रियकुलावंस, सिंहासनाधिश्वर, राजाधिराज महाराज श्री श्री श्री छत्रपती शिवाजी महाराज कि जय' अशा शब्दात त्याने महाराजांचा जयजयकार केला आहे. ही घोषणा देताना या लहान मुलाच्या डोळ्यातून अश्रूंच्या धारा वाहत आहेत.

विकी कौशलने आपल्या इन्स्टाग्राम अकाउंटवरुन हा व्हिडिओ शेअर केला आहे.त्यावर त्याने कॅप्शन दिलं आहे ती. हीच आमची सर्वात मोठी कमाई, मला तुझा गर्व आहे. मला तुला मिठी मारायची आहे. सर्वांच्या भावनांसाठी आणि प्रेमासाठी धन्यवाद. आज जे घडतंय तो सर्वात मोठा विजय आहे, असं त्याने म्हटलं आहे.