सुबोध भावे आणि तेजश्री प्रधान यांच्या 'वीण दोघांतली ही तुटेना' या मालिकेला प्रेक्षकांकडून चांगला प्रतिसाद मिळत आहे. मालिकेत समरने स्वानंदीचा वाढदिवस सुंदर साजरा केला. समर-स्वानंदी यांच्यात मैत्रीचे नातं खुलताना पाहायला मिळत आहे. या सर्वात मल्लिका नवीन कारस्थान करताना दिसते. ती समर आणि आनंद यांच्या मैत्रीमध्ये फूट पाडते. मल्लिका पार्टी सुरू असताना आनंदवर चोरीचा आळ घेते. ज्यामुळे घरातील वातावरण बदलते.

आनंदला चोर बोल्यामुळे निकिताला खूप वाईट वाटते. निकिताच्या पर्समध्ये हरवलेला हार सापडतो. ज्यामुळे समर आनंदवर चांगला भडकतो. कारण काही दिवसांपूर्वी मल्लिकाने समरला खोटं सांगितलेले असते की, आनंदला पैशांची अडचण आहे. घडलेला प्रकारात स्वानंदी आनंद आणि निकिताची साथ देते. मात्र समर आनंदवर अविश्वास दाखवतो, ज्यामुळे त्यांच्या मैत्रीत दुरावा येतो.

मल्लिकामुळे निर्माण झालेल्या गैरसमजामुळे आनंद आणि समरची मैत्री तुटते. आनंद आणि निकिता पार्टीतून घरी निघून येतात. समरने दाखवलेला अविश्वास आनंदच्या मनाला खूप लागतो. दुखावलेला आनंद आत्महत्या करण्याच्या प्रयत्न करतो. स्वतःला खोलीत कोंडून घेतो. निकिता स्वानंदीला फोन करून सगळे सांगते आणि घरी बोलावते. स्वानंदी आनंदला खूप समजावते आणि अखेर मैत्रीची शपथ घालते.

'वीण दोघांतली ही तुटेना' या प्रोमोवर नेटकरी कमेंट्सचा वर्षाव करत आहेत. समर-आनंदच्या मैत्रीत आलेला हा दुरावा स्वानंदी कसा मिटवणार हे पाहणे महत्त्वाचे ठरणार आहे. 'वीण दोघांतली ही तुटेना' ही मालिका झी मराठी वाहिनीवर संध्याकाळी 7.30 ला पाहायला मिळते.