Top Marathi Serial On OTT

टेलिव्हिजन सिरीयल प्रेक्षकांच्या जीवनातला एक अविभाज्य घटक बनला आहे. चित्रपट किंवा वेबसीरीज पेक्षा मालिकेचा चाहतावर्गही बराच मोठा आहे. बदलत्या जीवनशैलीप्रमाणे प्रेक्षकांचे मनोरंजनाचे माध्यम दिवसेंदिवस बदलत आहे. आता प्रेक्षकांचा टिव्ही आणि थिएटरपेक्षा ओटीटीकडे सर्वाधिक कल आहे. प्रेक्षकवर्ग सर्वाधिक ओटीटीवरही सिरीयल्स पाहत असतात. नुकतंच ओटीटीवर प्रसारित होणाऱ्या मालिकेचा टीआरपीचा आकडा समोर आला आहे.

टीआरपी लिस्टमध्ये जुई गडकरी आणि अमित भानुशाली यांची ‘ठरलं तर मग’ ही मालिका आहे. टेलिव्हिजनवरच नाही ओटीटीवर सुद्धा या मालिकेने बाजी मारली आहे. तर तेजश्री प्रधानची 'प्रेमाची गोष्ट' ही मालिका दुसऱ्या स्थानी आहे. 'आई कुठे काय करते' ही मालिका तिसऱ्या स्थानी आहे. 'सुख म्हणेज नक्की काय असतं' आणि 'ठिपक्यांची रांगोळी' या मालिका अनुक्रमे चौथ्या आणि पाचव्या स्थानी आहेत. टीआरपीचे हे आकडे ०४ नोव्हेंबर ते १० नोव्हेंबर दरम्यानचे आहेत. (Serial)

गेल्या आठवड्यामध्ये टीव्ही मालिकांचे जाहीर केलेल्या टीआरपी आकड्यांनुसार, ‘ठरलं तर मग’ मालिका पहिल्या स्थानी होती. तर ‘तुझेच मी गीत गात आहे’ मालिका दुसऱ्या स्थानी होती. तर ‘सुख म्हणजे नक्की काय असतं’ आणि ‘प्रेमाची गोष्ट’ या मालिकेने टीआरपी यादीमध्ये अनुक्रमे चौथ्या आणि पाचव्या स्थानी आहेत. तर स्टार प्रवाहवरील लोकप्रिय मालिका ‘आई कुठे काय करते’ पाचव्या स्थानी होती. (Latest News)

ओटीटीवर आणि टीव्हीवरही टीआरपी रेटिंगमध्ये ‘ठरलं तर मग’ ही मालिका अग्रस्थानी आहे. सध्या ह्या मालिकेची सोशल मीडियावर जोरदार चर्चा होत आहे. मालिकेला टीआरपी चार्टमध्ये सर्वाधिक पॉईंट्स मिळालेले आहेत. मिळालेल्या माहितीनुसार, ‘सुख म्हणजे नक्की काय असतं’ मालिकेची वेळ बदलणार आहे. तर ‘ठिपक्यांची रांगोळी’ ही मालिका प्रेक्षकांचा निरोप घेणार आहे. (Entertainment News)