बनावट दिव्यांग प्रमाणपत्राचा वापर उघड.
गटशिक्षणाधिकारीवरही कारवाई.
शिक्षण विभागात खळबळ.
बनावट व दिव्यांग प्रमाणपत्र देऊन नोकरी आणि नोकरीमधील सवलत घेणाऱ्यावर प्रशासनाने कारवाईचा बडगा उगारलाय. जिल्हा परिषद शिक्षकांच्या बदली प्रक्रियेमध्ये बनावट व दिव्यांग प्रमाणपत्राचा आधार घेवून बदली मिळवणाऱ्या ४ शिक्षकांना निलंबित करण्यात आले आहे. तसेच प्रमाणपत्रांची तपासणी न केल्याप्रकरणी पंचायत समितीचे प्रभारी गटशिक्षणाधिकारीचेही निलंबन करण्यात आले आहे.
बाळापूर पंचायत समितीचे प्रभारी गटशिक्षणाधिकारी यांनी सुद्धा शिक्षकांनी सादर केलेल्या बदली प्रस्तावांची सखोल पडताळणी न केल्याने त्यांना सुद्धा निलंबित करण्यात आले आहे. याबाबतचा आदेश जिल्हा परिषदेच्या मुख्य कार्यकारी अधिकारी अनिता मेश्राम यांनी १३ मार्च रोजी जारी केला आहे. जिल्हा परिषदेच्या प्राथमिक शिक्षण विभागाअंतर्गत कार्यरत शिक्षकांनी सन २०२५ मध्ये बनावट प्रमाणपत्राच्या आधारे बदली घेतली होती. याबाबत शिक्षणाधिकारी रतनसिंग पवार यांच्याकडे तक्रारी प्राप्त झाल्या होत्या.
त्यानंतर शिक्षणाधिकाऱ्यांनी सातही पंचायत समित्यांचे गट शिक्षणाधिकारी यांना बदली घेतलेल्या शिक्षकांच्या कागदपत्रांची पडताळणी करण्याचे आदेश दिले होते. यासह तालुका स्तरावरुन संवर्ग एकमधून बनावट अंतराची पडताळणी करण्यात यावी, असे आदेशात नमूद केले होते. याप्रकरणात आता पाच जणांवर कारवाई झाली आहे. कारवाई करण्यात आलेल्यांमध्ये बाळापूर पंचायत समितीचे प्रभारी गटशिक्षणाधिकारी व इतर चार शिक्षकांचा समावेश आहे.
त्यानंतर शिक्षणाधिकाऱ्यांनी सातही पंचायत समित्यांचे गट शिक्षणाधिकारी यांना बदली घेतलेल्या शिक्षकांच्या कागदपत्रांची पडताळणी करण्याचे आदेश दिले होते. यासह तालुका स्तरावरुन संवर्ग एकमधून बनावट अंतराची पडताळणी करण्यात यावी, असे आदेशात नमूद केले होते. याप्रकरणात आता पाच जणांवर कारवाई झाली आहे. कारवाई करण्यात आलेल्यांमध्ये बाळापूर पंचायत समितीचे प्रभारी गटशिक्षणाधिकारी व इतर चार शिक्षकांचा समावेश आहे.