Thipkyanchi Rangoli Off Air

मराठी मालिकांची प्रेक्षकांमध्ये एक वेगळीच क्रेझ आहे. घराघरात कायमच मराठी मालिका आवडीने पाहिल्या जातात. प्रेक्षकवर्ग मालिकेतील अनेक पात्र आपल्या कुटुंबातील असल्यासारखं ग्राह्य धरतात. प्रेक्षकांच्या मनावर अधिराज्य करणारी ‘ठिपक्यांची रांगोळी’ ही मालिका लवकरच प्रेक्षकांचा निरोप घेणार आहे. याबद्दलची माहिती ‘ठिपक्यांची रांगोळी’फेम ज्ञानदा रामतीर्थकरने सोशल मीडियावर पोस्ट शेअर करत ही माहिती दिली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

स्टार प्रवाहवरील ‘ठिपक्यांची रांगोळी’ या मालिकेने प्रेक्षकांचे अविरत मनोरंजन केले आहे. टीआरपी यादीमध्ये मालिकेला नेहमीच ही मालिका अव्वल होती. ही मालिका प्रेक्षकांचा निरोप घेणार असल्यामुळे कलाकारांसह प्रेक्षकही नाराज झाले आहेत. एकत्र कुटुंब पद्धतीवर या मालिकेची कथ आधारित होती. मालिकेमध्ये अप्पू नावाचे पात्र साकारणाऱ्या ज्ञानदा रामतीर्थकरने शूटिंगच्या शेवटच्या दिवसाचा फोटो आणि व्हिडीओ चाहत्यांसोबत शेअर केला आहे.

ऑक्टोबर २०२१ पासून ही मालिका टेलिकास्ट होत आहे. आता लवकरच ही मालिका ऑफ एअर होणार आहे. ७ नोव्हेंबर रोजी मालिकेच्या शूटिंगचा अखेरचा दिवस होता. अभिनेत्री ज्ञानदा रामतीर्थकरने भावुक स्टोरी शेअर केली आहे. ती आपल्या स्टोरीमध्ये म्हणाली, “हाय अप्पू... आजच्या रात्रीची झोप माझ्यासाठी खूपच त्रासदायक असणार आहे... कारण उद्या मालिकेच्या शुटिंगचा शेवटचा दिवस आहे, या गोष्टीची मला कल्पनाही करवत नाही… कानिटकर वाडा... आपण दोघेही आपल्या आवडत्या ठिकाणी भेटणार आहोत... पण उद्याचा दिवस आपण साजरा करूया... लवकरच भेटू... प्रेम” (Serial)

त्या स्टोरीनंतर ज्ञानदाने काही वेळापूर्वी सुमी अर्थात अभिनेत्री नम्रता प्रधानसोबतचा मेकअप रुममधील एक व्हिडीओ शेअर केला आहे. त्या व्हिडीओमध्ये ज्ञानदा म्हणतेय की, “गुड मॉर्निंग… आज आमच्या सर्वांचा मालिकेच्या सेटवरचा शेवटचा दिवस असेल.” त्यानंतर अभिनेत्रीने आणखी एक स्टोरी टाकत, “चला आजचा शेवटचा दिवस अविस्मरणीय करू…” अशा आशयचे कॅप्शन देत स्टोरी शेअर केली आहे. (Entertainment News)