'ठरलं तर मग!' मालिकेला प्रेक्षकांकडून भरपूर प्रेम मिळत आहे. डोहाळे जेवणाच्या कार्यक्रमात पोलीस सायलीला अटक करतात, ज्यामुळे सुभेदार कुटुंबावर मोठे संकट येते. सायलीला अल्पवयीन मुलींची तस्करी केल्याच्या आरोपाखाली पोलीस अटक करतात. प्रियाच्या कट कारस्थानात सायली अडकते. आता अर्जुन सायलीला जेल बाहेर कसं काढणार, हे पाहणे महत्त्वाचे आहे.

सायलीला गरोदर अवस्थेत प्रिया जेलमध्ये छळताना दिसत आहे. मात्र सायली ठामपणे आलेल्या परिस्थितीचा सामना करत आहे. तिला विश्वास आहे की, अर्जुन तिला यातून बाहेर काढेल. सायली प्रियाला ठामपणे सांगते की, मी माझ्या मुलाला जेलबाहेरच जन्म देईन. दुसरीकडे अर्जुनही सर्व केसचा पाठपुरावा करायला सुरुवात करतो. अशात आता 'ठरलं तर मग!' मालिकेचा नवीन प्रोमो समोर आला आहे.

प्रोमोमध्ये नेमकं काय?

न्यायाधीश अर्जुनला वकिल पत्र सादर करायला सांगतात तेव्हा अर्जुन बोलतो की, "सायली सुभेदार यांच्यावर आरोप आहे की त्यांनी अल्पवयीन मुलींची तस्करी केली. व्हिडीओज बनवून पैसे कमावले. आणि माझे वकिल मित्र ॲड. शेंडे यांनी आधीच हे प्रूफ केले आहे की, हे सगळे आरोप खरे आहे. सायली सुभेदार यांच्यावर लागलेले सर्व घाणेरडे आरोप पुराव्यासकट सिद्ध झाले आहेत. " अर्जुनचे हे रुप पाहून सायली आणि सुभेदार कुटुंबाला मोठा धक्का बसतो. सायली तर ढसाढसा रडायला लागते. तेव्हा ॲड. शेंडे म्हणतात की, "व्हा! ॲड सुभेदार तुम्ही तर हार मानली." तेव्हा गोष्टीत मोठा ट्विस्ट येतो. अर्जुन पुन्हा बोलतो की, "हरणार तर तुम्ही आहात अॅड. शेंडे...कारण तुम्ही सादर केलेले सर्व पुरावे खोटे आहेत..." हे ऐकताच सायलीच्या चेहऱ्यावर हास्य येते.

व्हिडीओच्या कॅप्शनमध्ये लिहिण्यात आले की, "अर्जुन कसं निर्दोष सिद्ध करणार सायलीला...?" या प्रोमोवर प्रेक्षक भरभरून कमेंट्सचा वर्षाव करत आहे. मालिकेत पुढे काय घडणार, प्रियाचे कारस्थान कसं समोर येणार, सायली सुटणार की अधिकच अडकणार हे सर्व पाहणे महत्त्वाचे ठरणार आहे. 'ठरलं तर मग' चा भाग शुक्रवार १४ ऑगस्ट रात्री ८.३० वाजता स्टार प्रवाह वाहिनीवर पाहायला मिळणार आहे.