प्रेक्षकांचा आवडता शो 'तारक मेहता का उल्टा चश्मा' मध्ये मोठा बदल होणार आहे. गेल्या १८ वर्षांपासून 'तारक मेहता का उल्टा चश्मा' प्रेक्षकांचे बंपर मनोरंजन करत आहे. लहानांपासून मोठ्यांपर्यंत सर्वजण या मालिकेचे चाहते आहेत. रोज या मालिकेत नवा ट्विस्ट पाहायला मिळत आहे. खूप वर्षांपासून चाहते दयाबेनची उत्सुकतेने वाट पाहत आहेत.

गेल्याकाही वर्षात अनेक कलाकारांनी मालिका सोडली तर अनेक नवीन कलाकारांची एन्ट्री झाली. मालिकेच्या मुख्य कलाकारांपैकी एक प्रसिद्ध अभिनेते दिलीप जोशी सुरुवातीपासून या शोचा महत्त्वाचा भाग आहे. या मालिकेत ते जेठालालची भूमिका साकरत आहे. हे पात्र प्रेक्षकांना आता आपल्या घरातील वाटते. हे पात्र प्रेक्षकांना खळखळवून हसवते. मात्र सध्या सोशल मीडियावर चर्चा रंगली आहे की, दिलीप जोशींची 'तारक मेहता का उल्टा चश्मा' मधून एक्झिट होणार आहे. जेठालाल हे पात्र शोमधून प्रेक्षकांचा निरोप घेणार आहे. यामुळे चाहत्यांना मोठा धक्का बसला आहे.

aajtak शी बोलताना 'तारक मेहता का उल्टा चश्मा' या शोच्या निर्मात्यांनी सांगितले की, "जेठालालचे पात्र शो मधून निरोप घेणार नाही. दिलीप जोशींची मालिकेतून एक्झिट होणार नाही. कथा अजूनही जेठालालभोवतीच केंद्रित आहे. शोचा नवीन प्रोमो देखील प्रदर्शित झाला आहे. २८ जुलै रोजी आम्ही शोचा १८ वा वर्धापन दिन साजरा करणार आहोत..." जेठालालचे पात्र संपणार नाही. याचा अर्थ जेठालालच्या पात्राबद्दलच्या सर्व अफवा खोट्या आहेत.

TMKOC चा नवीन प्रोमो

नुकताच 'तारक मेहता का उल्टा चश्मा' शो चा नवीन प्रोमो समोर आला आहे. यात जेठालाल आणि तारक मेहता धावपळ करताना दिसत आहे. जेठालाल दुकान उघडण्यासाठी जातो, तेव्हा त्याला दुकानावर टाळे दिसते. त्यानंतर फाईन भरण्यासाठी जेठालाल कसरत करताना दिसतो. एकंदर येणारे 'तारक मेहता का उल्टा चश्मा' चे एपिसोड खूपच मनोरंजक असणार आहे.