सोनी सबवरील (Sony Sab)लोकप्रिय मालिका 'तारक मेहता का उलटा चष्मा' या मालिकेतील एका अभिनेत्रीचा घटस्फोट होणार आहे. तारक मेहता का उलटा चष्मामधील 'बावरी' ही व्यक्तीरेखा साकारणारी अभिनेत्री नविना बोलेचा घटस्फोट (Divorce)होणार आहे. नविना सात वर्षांपूर्वी विवाहबंधनात अडकली होती.

नविना बोलेने तारक मेहताच्या (Taarak Mehta Ka Ooltah Chashmah) आधी 'इश्कबाज' या मालिकेत काम केलं होतं. 'इश्कबाज' मध्ये अभिनेत्रीने 'टिया' ही व्यक्तीरेखा साकारली होती. तिच्या अभिनयामुळे नविना अनेकांच्या घरा घरात पोहोचली. तारक मेहतामधील बावरी या व्याक्तीरेखेमुळे नविनाला भरपूर प्रसिद्धी मिळाली होती. त्यापूर्वी नविना 'मिले जब हम तुम' आणि 'जीनी और जुजू' यांच्या सारख्या अनेक मालिकांमध्ये दिसली होती.

गेल्या काही दिवसांपासून नविनाच्या वैवाहिक आयुष्यामध्ये (Married Life) अनेक अडचणी निर्माण झाल्या आहेत. त्यांच्या लग्नाला वर्षे पूर्ण झाली आहेत. पपरंतु काही कारणांमुळे नविना आणि तिच्या नवऱ्यामध्ये दुरावा वाढल्याच्या बातम्या समोर येत आहेत.मिळालेल्या माहितीनुसार, नविना तिचा पती अभिनेता-निर्माता जीत करणपासून वेगळी झाली आहे. काही दिवसांपूर्वी झालेल्या एका मुलाखाती दरम्यान नविनाने स्वत: या गोष्टीचा खुलासा केला होता. २०१७ मध्ये नविना आणि जीत करण लग्नबंधनात आडकले होते. त्यानंतर २०१९मध्ये दोघांना एक गोंडस मुलगी देखील झाली. परंतु, त्यांच्या घटस्फोटाच्या बातमीमुळे अनेक चाहत्यांना मोठा धक्का बसला आहे.

टाईम्स ऑफ इंडियाला नविनाने मुलाखत दिली होती. यामध्ये तिने सांगितले होते की, ती तीन महिन्यांपूर्वी पती जीत करणपासून वेगळी झाली होती. लवकरच कायदेशीर प्रक्रिया सुरु करून दोघे अधिकृत घटस्फोट घेतील. करण आणि नविना यांनी त्यांच्या ५ वर्षांच्या मुलीला एकत्र वाढवणायाच्या निर्णय घेतला आहे. आठवड्यातील दोन दिवस जीत त्यांच्या मुलीसोबत वेळ घालवू शकतो, असे तिनं सांगितले. नविना बोलेने घटस्फोटाचं स्पष्ट कारण सांगितलं नाही. परंतु लग्नाच्या काही वर्षांमध्ये सर्वकाही बदलले. आम्ही आमच्या मुलीचा विचार करून नातं टिकवण्याचा प्रयत्न केला परंतु काही निष्कर्ष नाही निघाल्यामुळे आम्ही सहमतीने आणि शांतपणे वेगळं होण्याचा निर्णय घेतला, असं देखील नविनाने सांगितले.

Edited By: Nirmiti Rasal