'चला हवा येऊ द्या' कार्यक्रम सध्या प्रेक्षकांचे भरपूर मनोरंजन करत आहे. या शोने संपूर्ण जगाला खूप हसवले आहे. या शोमुळे अनेक कलाकारांना लोकप्रियता मिळाली आहे. या शोमधून कुशल बद्रिके ( Kushal Badrike) आणि श्रेया बुगडे (Shreya Bugde) ही जोडी प्रेक्षकांच्या भेटीला आली. ही दोघे सोशल मीडियावर खूप सक्रिय असतात. आपल्या मजेशीर व्हिडीओने प्रेक्षकांना खळखळून हसवतात. सध्या असाच एक व्हिडीओ त्यांनी सोशल मीडियावर शेअर केला आहे.

कुशल बद्रिके आणि श्रेया बुगडेने भयानक रुपामध्ये चाहत्यांना दिवाळीच्या शुभेच्छा दिल्या आहेत. श्रेया बुगडे मंजुलिकाचा अवतार धारण केला आहे. विस्कटलेले केस, केसात गजरा माळला आहे. कपाळावर कुंकवाचा टिळा लावला आहे. केशरी रंगाची साडी नेसली आहे. ज्यामुळे ती मंजुलिका सारखी दिसत आहे. तर कुशल बद्रिकेने 'बाहुबली' चित्रपटातील 'कालकेय'च्या भयानक अवतारात दिसत आहे.

चाहत्यांच्या कमेंट्स

कुशल आणि श्रेयाच्या व्हिडीओवर चाहत्यांकडून कमेंट्स आणि लाइक्सचा वर्षाव होत आहे. एक युजरने लिहिलं की, "हसवायचे सोडून सणासुदीला का घाबरवता तुम्ही", तर इतर नेटकरी याला बोलतात, "खऱ्या दिवाळीच्या शुभेच्छा", "खूपच भयानक शुभेच्छा आहेत", "भीत भीत तुम्हाला पण शुभेच्छा", "अरे वा मंजुलिकाला बऱ्याच भाषा बोलता येतात बंगाली, मराठी आणि ..." अशा कमेंट्स करत आहेत.

दिवाळीच्या शुभेच्छा

"आता ह्या श्रेया बुगडेला बघा भुताच्या getup मधे सुद्धा दिवाळीच्या 'कंदीला'सारखी दिसते अगदी तेजस्वी आणि मी पहा स्फोट झालेल्या सुतली बॉम्बसारखा दिसतोय. पण दिवाळीची खरी मज्जा ह्या दोन्ही गोष्टीं शिवाय नाहीच. आज आम्ही तसेच दिसतोय म्हणून आम्हा दोघांकडून ह्या अश्या शुभेच्छा...आनंदी रहा हसत रहा आणि तुमच्या वेडेपणात सामील होतील असेच मित्र जवळ बाळगा..."